នាយករដ្ឋមន្ត្រីថៃ ប៉ះពាក្យសម្ដីជាមួយអ្នកសារព័ត៌មាន ក្នុងវគ្គសំណួរ-ចម្លើយ ដ៏ក្តៅគគុកជុំវិញជម្លោះព្រំដែនថៃ-កម្ពុជា!
នាយករដ្ឋមន្ត្រីថៃ Paetongtarn Shinawatra បានជួបពិភាក្សាគ្នាយ៉ាងតានតឹងជាមួយអ្នកយកព័ត៌មានស្ត្រីម្នាក់នៅថ្ងៃពុធ ទី៤ ខែមិថុនា ទាក់ទងនឹងជម្លោះព្រំដែនកម្ពុជា-ថៃ។
នៅឯវិមានរដ្ឋាភិបាលក្នុងទីក្រុងបាងកក អ្នកយកព័ត៌មានបានដកស្រង់សេចក្តីថ្លែងការណ៍របស់មេបញ្ជាការភូមិភាគទី ២ ដោយនិយាយថា “ថ្ងៃនេះមានការលុកលុយដី ២០០ ម៉ែត្ររួចហើយ” ។
Paetongtarn បានឆ្លើយតបដោយសួរយ៉ាងម៉ឺងម៉ាត់ថា «ចង់ទៅមើលនៅទីតាំងផ្ទាល់ជាមួយគ្នាទេ» ប៉ុន្តែអ្នកកាសែតបានឆ្លើយថា មិនទៅទេ។ Paetongtarn ក៏ញញឹម ហើយសួរថាតើនាងមិនអីទេមែនទេ? នាយករដ្ឋមន្ត្រីរូបនេះ បានដាក់ដៃលើទ្រូងនាង ហើយនិយាយលេងសើចថា “អ្នកយកព័ត៌មាននេះពិតជាខ្លាំងណាស់”។
ក្រោយមក Paetongtarn បានចូលទៅជិតអ្នកសារព័ត៌មានម្ដងទៀតដោយសួរថា “តើមានអ្វីខុសទេ? តើនាងមានការមិនពេញចិត្តឬ?”។ ភ្លាមនោះអ្នកសារព័ត៌មានដែលត្រូវបានសួរនោះ ក៏ដើរចេញពីបន្ទប់ចេញទៅតែម្ដង។
បន្ទាប់ពីនោះ អ្នកសារព័ត៌មានដែលមកជាមួយគ្នាបានឆ្លើយតបជំនួសនាងថា នេះជាទម្លាប់របស់នាងប៉ុណ្ណោះ។
Paetongtarn បាននិយាយថា៖ «ខ្ញុំគ្រាន់តែឆ្ងល់ ព្រោះឃើញនាងខាំធ្មេញដាក់ខ្ញុំ»។
យ៉ាងណាមិញ អ្នកយកព័ត៌មានផ្សេងទៀតដែលនៅទីនោះ បានជួយនិយាយថា គ្មានអ្នកណាខឹងទេ ហើយពួកគេនៅតែគាំទ្រពីលោកស្រី Paetongtarn។
អត្ថបទពាក់ព័ន្ធ
