អាមេរិក និងចិន ឯកភាពទម្លាក់ពន្ធគយរៀងៗខ្លួនរយ:ពេល៩០ថ្ងៃ

សហរដ្ឋអាមេរិក និងចិនបានព្រមព្រៀងគ្នាកាលពីថ្ងៃច័ន្ទដើម្បីដកពន្ធឡើងវិញលើទំនិញទៅវិញទៅមកសម្រាប់រយៈពេល ៩០ថ្ងៃដំបូងនៅក្នុងរបកគំហើញដ៏គួរឱ្យភ្ញាក់ផ្អើលមួយដែលបានកាត់បន្ថយភាពតានតឹងនៃសង្គ្រាមពាណិជ្ជកម្ម និងការជំរុញទីផ្សារពិភពលោក ក្រោយមន្រ្តីជាន់ខ្ពស់ទាំង ២ ជួបប្រជុំចរចាគ្នានៅទីក្រុងហ្សឺណែវ នៃប្រទេសស្វីស កាលពីចុងសប្ដាហ៍។

គិតត្រឹមថ្ងៃទី១៤ ខែឧសភា សហរដ្ឋអាមេរិកនឹងទម្លាក់ពន្ធជាបណ្តោះអាសន្នលើទំនិញចិនពី ១៤៥% មក ៣០% ខណៈដែលចិននឹងកាត់បន្ថយការយកពន្ធលើទំនិញអាមេរិកពី ១២៥% ទៅ ១០% នេះបើយោងតាមសេចក្តីថ្លែងការណ៍រួមមួយ។ ភាគីទាំងពីរទទួលស្គាល់ “សារៈសំខាន់នៃទំនាក់ទំនងសេដ្ឋកិច្ច និងពាណិជ្ជកម្មប្រកបដោយនិរន្តរភាព យូរអង្វែង និងផ្តល់ផលប្រយោជន៍ទៅវិញទៅមក”។

ភាគីទាំងពីរក៏បានឯកភាពបង្កើត “យន្តការមួយដើម្បីបន្តការពិភាក្សាអំពីទំនាក់ទំនងសេដ្ឋកិច្ច និងពាណិជ្ជកម្ម” ដែលដឹកនាំដោយឧបនាយករដ្ឋមន្ត្រីចិន He Lifeng និងរដ្ឋមន្ត្រីក្រសួងរតនាគារសហរដ្ឋអាមេរិក Scott Bessent និងតំណាងពាណិជ្ជកម្មអាមេរិក Jamieson Greer ។ ការពិភាក្សាទាំងនេះអាចធ្វើឡើងឆ្លាស់គ្នានៅក្នុងប្រទេសចិន និងសហរដ្ឋអាមេរិក ឬប្រទេសទីបីតាមការព្រមព្រៀងរបស់ភាគី។ តាមតម្រូវការ ភាគីទាំងពីរអាចធ្វើការពិគ្រោះកម្រិតការងារលើបញ្ហាសេដ្ឋកិច្ច និងពាណិជ្ជកម្មដែលពាក់ព័ន្ធ។

ប្រភព៖CNN