ក្រសួងអប់រំ យុវជន និងកីឡាបាននិងកំពុងពង្រឹងយ៉ាងមុតមាំ ក្នុងការអភិវឌ្ឍចំណេះដឹងផ្នែកបច្ចេកវិទ្យា (AI) ឲ្យបានទូលំទូលាយ
នេះជាប្រសាសន៍ ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា លើកឡើងតាមរយៈបាឋកថាពិសេស ស្ដីពី “បញ្ញាសិប្បនិមិត្ត និងការអប់រំនៅកម្ពុជា»។
![](https://media.brandbodia.com/wp-content/uploads/2023/08/IMG_1079-1024x576.jpg)
ឯកឧត្តម បានមានប្រសាសន៍ថា ក្រសួងអប់រំ យុវជន និងកីឡាបាននិងកំពុងពង្រឹងយ៉ាងមុតមាំ ក្នុងការអភិវឌ្ឍចំណេះដឹង និងបំណិនស្រាវជ្រាវរបស់យុវសិស្សទៅលើបច្ចេកវិទ្យា (AI) ឲ្យបានទូលំទូលាយ។
![](https://media.brandbodia.com/wp-content/uploads/2023/08/IMG_1083-1024x576.jpg)
![](https://media.brandbodia.com/wp-content/uploads/2023/08/IMG_1084-1024x576.jpg)
ឯកឧត្តម បានបន្តថា ក្នុងរបត់សង្គមឌីជីថលដែលឥទ្ធិពលនៃបញ្ញាសិប្បនិម្មិត (AI) អាចគ្របដណ្ដប់ស្ទើរគ្រប់វិស័យ ចាំបាច់តម្រូវសង្គមនោះសម្បូរទៅដោយយុវជនឌីជីថលដែលឆ្នើម ចេះវិភាគ ថ្លឹងថ្លែងមើលពីគុណប្រយោជន៍ និងគុណវិបត្តិបញ្ញាសិប្បនិម្មិត ដើម្បីទាញយកផលប្រយោជន៍ពីបច្ចេកវិទ្យាដ៏មានឥទ្ធិពលមួយនេះ និងផ្ដល់ភាពរីកចម្រើនលើគ្រប់វិស័យ។»
![](https://media.brandbodia.com/wp-content/uploads/2023/08/IMG_1081-1024x682.jpg)
![](https://media.brandbodia.com/wp-content/uploads/2023/08/IMG_1082-1024x576.jpg)
សូមជម្រាបថា បាឋកថានេះធ្វើឡើងក្នុងឱកាសដែលឯកឧត្តម បានអញ្ជើញជាអធិបតីក្នុងពិធីអបអរសាទរខួបលើកទី២៤ ទិវាអន្តរជាតិសម្រាប់យុវជន និងការប្រកួតវគ្គផ្តាច់ព្រ័ត្រកម្មវិធីជជែកដេញដោលយុវជនថ្នាក់ជាតិ២០២៣ លើប្រធានបទ “ឥទ្ធិពលនៃបច្ចេកវិទ្យាបញ្ញាសិប្បនិមិត្ត (AI) ជាកត្តាគន្លឹះដល់អនាគតភាពនៃវិស័យអប់រំនៅកម្ពុជា“៕
ប្រភព: MoEYS