ឯកឧត្តម ហ៊ុន ម៉ានី: ការចូលរួមរបស់គណបក្សទាំង ១៨ នៅក្នុងការបោះឆ្នោតសម្រាប់អាណត្តិនេះ បានឆ្លុះបញ្ចាំងឱ្យឃើញថា លំហសេរីភាព និងលទ្ធិប្រជាធិបតេយ្យ សេរី ពហុបក្ស កំពុងតែមានអត្ថិភាពយ៉ាងទូលំទូលាយ
មានប្រសាសន៍ក្នុងឱកាសអញ្ជើញជាអធិបតីក្នុងពិធីបើកវគ្គបណ្តុះបណ្ដាល ស្ដីពី “អ្នកសង្កេតការណ៍បោះឆ្នោត” សម្រាប់ជនបង្គោលរបស់ ស.ស.យ.ក. រាជធានី ខេត្តទទួលបន្ទុកអនុវត្ត “យុទ្ធនាការពលរដ្ឋល្អ” នាព្រឹកថ្ងៃទី៣០ ខែមិថុនា ឆ្នាំ២០២៣នេះ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានថ្លែងអបអរសាទរដល់គណបក្សនយោបាយទាំង ១៨ ដែលកាលពីម្សិលមិញ ទទួលបានលេខរៀងសម្រាប់ការប្រកួតប្រជែងនាពេលខាងមុខ។
![](https://media.brandbodia.com/wp-content/uploads/2023/05/IMG_7692-1024x682.jpg)
ឯកឧត្តមបានគូសបញ្ជាក់ថា ចូលរួមរបស់គណបក្សទាំង ១៨ នៅក្នុងការបោះឆ្នោតសម្រាប់អាណត្តិនេះ បានឆ្លុះបញ្ចាំងឱ្យឃើញថា លំហសេរីភាព និងលទ្ធិប្រជាធិបតេយ្យ សេរី ពហុបក្ស កំពុងតែមានអត្ថិភាពយ៉ាងទូលំទូលាយ ដែលអាចអនុញ្ញាតឱ្យប្រជាពលរដ្ឋគ្រប់និន្នាការនយោបាយ អាចបញ្ចេញនូវការគាំទ្ររបស់ខ្លួនដល់គណបក្ស ដែលខ្លួនទុកចិត្ត។
![](https://media.brandbodia.com/wp-content/uploads/2023/05/IMG_7693-1024x683.jpg)
សូមជម្រាបផងដែរថា ជានិច្ចកាលស.ស.យ.ក. តែងបានចូលរួមក្នុងនាមជាអ្នកសង្កេតការណ៍បោះឆ្នោត ដែលជាការរួមចំណែកជាមួយរាជរដ្ឋាភិបាល ជាពិសស គណៈកម្មាធិការរៀបចំការបោះឆ្នោតគ្រប់កម្រិត ក្នុងការធានាថាគ្រប់ដំណាក់កាលនៃដំណើរការបោះឆ្នោត បានប្រព្រឹត្តទៅដោយរលូន សេរី ត្រឹមត្រូវ និងយុត្តិធម៌៕
![](https://media.brandbodia.com/wp-content/uploads/2023/05/IMG_7695-1024x683.jpg)
![](https://media.brandbodia.com/wp-content/uploads/2023/05/IMG_7694-1024x683.jpg)