គំរូល្អ! ប្រជាពលរដ្ឋក្រុងព្រះសីហនុ សហការបើកផ្លូវជាលក្ខណៈប្រព័ន្ធ ដើម្បីសម្រួលដល់ការធ្វើដំណើរទៅមកករណីមានអគ្គិភ័យ ឬឧបទ្ទវហេតុផ្សេងៗក្នុងតំបន់
ថ្មីៗនេះ យោងតាមរដ្ឋបាលក្រុងព្រះសីហនុ បានបង្ហាញនូវរូបភាពមួយចំនួន ដែលប្រជាពលរដ្ឋ រស់នៅតាមបណ្តោយផ្លូវ(ម្តុំក្រោយសាលាសង្កាត់លេខ៤) ស្ថិតនៅភូមិ៥ សង្កាត់លេខ៤ ក្រុងព្រះសីហនុ បានរួមសហការ និងផ្តល់ភាពងាយស្រួលដល់អាជ្ញាធរក្រុង ដើម្បីបើកផ្លូវតាមប្លង់ជាលក្ខណៈប្រព័ន្ធ សម្រួលដល់ការធ្វើដំណើរ ទៅមក និងសង្គ្រោះបន្ទាន់ករណីមានអគ្គីភ័យ ឬឧបទ្ទវហេតុ ផ្សេងៗក្នុងតំបន់នោះ។
![](https://media.brandbodia.com/wp-content/uploads/2023/03/IMG_3485-1024x768.jpg)
តាមរយៈការចូលរួមសហការនេះ បានបង្ហាញពីទឹកចិត្ត និងស្មារតីចូលរួមយ៉ាងសកម្មរបស់ពលរដ្ឋ ក្នុងការរួមចំណែកគាំទ្រសេវាសង្គម ក៏ដូចជាបម្រើប្រយោជន៍ជូនសង្គមជាតិ ដោយហេតុថា «ការអភិវឌ្ឍ អាចធ្វើទៅបាន ចាំបាច់ណាស់ត្រូវមានការចូលរួមពីបងប្អូនប្រជាពលរដ្ឋ»។ នេះបើតាមការលើកឡើងរបស់លោក សរ កក្កដា អភិបាលក្រុងព្រះសីហនុ ជុំវិញបញ្ហានេះ។
![](https://media.brandbodia.com/wp-content/uploads/2023/03/IMG_3484-1024x768.jpg)
![](https://media.brandbodia.com/wp-content/uploads/2023/03/IMG_3488.jpg)
ជាមួយគ្នានេះ រដ្ឋបាលក្រុងក៏បានសម្ដែងការថ្លែងអំណរគុណចំពោះទឹកចិត្តម្ចាស់ផ្ទះ និងបងប្អូនប្រជាពលរដ្ឋ ដែលបានចូលរួមសហការបើកផ្លូវតាមប្លង់លក្ខណៈប្រព័ន្ធ ក្នុងគោលដៅជំរុញការអភិវឌ្ឍទីក្រុងព្រះសីហនុឱ្យកាន់តែប្រសើរឡើងថែមទៀត៕
![](https://media.brandbodia.com/wp-content/uploads/2023/03/IMG_3487.jpg)
![](https://media.brandbodia.com/wp-content/uploads/2023/03/IMG_3486-768x1024.jpg)