រមណីយដ្ឋានអង្គរវត្តកម្ពុជា បង្អួតសម្រស់ក្នុងបទថ្មីរបស់តារាចម្រៀងពិភពលោក Alan Walker
ប្រិយមិត្តកម្ពុជាដែលជាអ្នកគាំទ្របទចម្រៀងបរទេសប្រាកដជាមិនចម្លែកចិត្តទេនៅពេលដែលបានឮឈ្មោះតារាចម្រៀងលំដាប់ពិភពលោកសញ្ជាតិអង់គ្លេសរូបនេះ ព្រោះថាគ្រប់គ្នាតែងតែស្គាល់នូវស្នាដៃចម្រៀងដ៏គួរឲ្យកោតសរសើររបស់គាត់កន្លងមក។
ជាក់ស្តែងបើយោងទៅតាមគណនីយូធូបផ្លូវការរបស់ Alan Walker ដែលមានអ្នក Subscribe ចំនួន33.4លាន គិតមកត្រឹមថ្ងៃទី៦ ខែមេសា ឆ្នាំ២០២០នេះ។ បទចម្រៀងដែលធ្វើឲ្យប្រិយមិត្តកម្ពុជាស្គាល់តារាដែលមានវ័យទើបតែ២២ឆ្នាំរូបនេះកាន់តែច្បាស់នោះ គឺបទ “Faded” ដែលបានចេញផ្សាយលើ YouTube Channel ផ្លូវការរបស់លោកកាលពីជិត៥ឆ្នាំមុន ពោលគឺថ្ងៃទី៣ ខែធ្នូ ឆ្នាំ២០១៥ ហើយចំនួនអ្នកចុចចូលទស្សនាប្រមាណជិត 3Billions view គិតមកដល់ពេលចេញផ្សាយរបស់ BrandMedia នេះ។
![](http://localhost/news/wp-content/uploads/2021/01/92508001_1430867367103007_6872206071717429248_n.png)
អ្វីដែលជាភាពភ្ញាក់ផ្អើល លាយឡំនឹងភាពសប្បាយរីករាយ និងជាទីមោទកភាពរបស់ប្រជាជនកម្ពុជា ក៏ដូចជាប្រិយមិត្តអ្នកគាំទ្រនោះ គឺកាលពីថ្មីៗនេះ បទចម្រៀងថ្មីរបស់លោកដែលលោកបានច្រៀង ft. នឹង Ruben មានចំណងជើងថា “Heading Home” បានបញ្ចេញជាផ្លូវការកាលពីថ្ងៃទី១ ខែមេសា ឆ្នាំ២០២០កន្លងទៅនេះ លើគណនីយូធូបផ្ទាល់របស់លោក “Alan Walker” គឺថាទីតាំងសម្តែងក្នុងបទចម្រៀងខាងលើ ត្រូវបានថតក្នុងបរិវេណដ៏អស្ចារ្យនៃរមណីយដ្ឋានប្រាសាទអង្គរវត្ត របស់ព្រះរាជាណាចក្រកម្ពុជាសឹងតែមានគ្រប់ឈុតតាំងពីដើមដល់ចប់ មានន័យថាទីតាំងថតក្នុង MV នេះជាទីតាំងក្នុងប្រទេសកម្ពុជាដែលអាចនិយាយបានថា វាមានប្រមាណជាលើសពាក់កណ្តាល ឬលើសពី 50% បើធៀបទៅនឹងទីតាំងមួយចំនួនផ្សេងទៀតក្នុងបទចម្រៀង “Heading Home”៕
ទស្សនាវីដេអូ៖
រូបភាព៖ Alan Walker