សញ្ញានៃការបង្រួបបង្រួមកូរ៉េខាងជើង និងកូរ៉េខាងត្បូង ត្រូវកាត់ផ្ដាច់ហៅលែងលឺក្រោយលោក គីម ជុងអ៊ុន បោះពាក្យប៉ុន្មានម៉ាត់!

មេដឹកនាំកូរ៉េខាងជើង លោក គីម ជុងអ៊ុន បានអំពាវនាវឱ្យមានការផ្លាស់ប្តូររដ្ឋធម្មនុញ្ញដើម្បីកំណត់ប្រទេសកូរ៉េខាងត្បូងថាជា “រដ្ឋអរិភាពលេខមួយ” ដោយបញ្ចប់ការប្តេជ្ញាចិត្តរបស់របបនេះក្នុងការបង្រួបបង្រួមឧបទ្វីបកូរ៉េ។

នៅក្នុងសុន្ទរកថាទៅកាន់សភាប្រជាជនកំពូល លោក គីម បាននិយាយថា លោកលែងជឿថាការបង្រួបបង្រួមអាចធ្វើទៅបានទៀតហើយ ហើយបានចោទប្រកាន់កូរ៉េខាងត្បូងពីការប៉ុនប៉ងបង្កើតការផ្លាស់ប្តូររបប និងលើកកម្ពស់ការបង្រួបបង្រួមដោយការបំបិទបំបាំង។

នេះជាសញ្ញាមួយផ្សេងទៀតនៃទំនាក់ទំនងកាន់តែយ៉ាប់យ៉ឺនយ៉ាងឆាប់រហ័សរវាងកូរ៉េទាំងពីរដែលបានបញ្ចប់សង្រ្គាមឆ្នាំ១៩៥០-១៩៥៣។ លោក Kim បាននិយាយថា “យើងមិនចង់បានសង្រ្គាមទេ ប៉ុន្តែយើងជម្រើសទេ”។

មេដឹកនាំកូរ៉េខាងជើង លោក គីម ជុងអ៊ុន ជាមួយកូនស្រីរបស់គាត់ គឺលោក គីម ជឺ អាតា បាញ់មីស៊ីលនៅឆ្នាំ២០២២។
ការរំពឹងទុកថា កូនស្រីរបស់លោក គីម ជុងអ៊ុន អាចស្នងតំណែងពីលោក។

ទីភ្នាក់ងារសារព័ត៌មានរដ្ឋ KCNA បាននិយាយកាលពីថ្ងៃអង្គារថា ប្រទេសកូរ៉េខាងជើងនឹងបិទទីភ្នាក់ងារចំនួនបីដែលត្រួតពិនិត្យការបង្រួបបង្រួម និងទេសចរណ៍អន្តរកូរ៉េរួមមាន៖ គណៈកម្មាធិការសម្រាប់ការបង្រួបបង្រួមដោយសន្តិភាព ការិយាល័យសហប្រតិបត្តិការសេដ្ឋកិច្ចជាតិ និងរដ្ឋបាលទេសចរណ៍អន្តរជាតិ Mount Kumgang ។

ដោយឡែក រដ្ឋដែលមានអរិភាពបំផុតទាំងពីរ ដែលកំពុងតែមានសង្រ្គាម ឥឡូវនេះកំពុងប្រឈមមុខដាក់គ្នាយ៉ាងធ្ងន់ធ្ងរនៅលើឧបទ្វីបកូរ៉េ”។ ការអត្ថាធិប្បាយរបស់លោក Kim បានទាក់ទាញការថ្កោលទោសភ្លាមៗពីប្រធានាធិបតីកូរ៉េខាងត្បូង Yoon Suk Yeol ដែលបានចោទប្រកាន់ទីក្រុងព្យុងយ៉ាងថាជា “អ្នកប្រឆាំងជាតិ”និងឱ្យឈ្មោះកូរ៉េខាងត្បូងថាជាប្រទេសអរិភាព។

អ្នកវិភាគមួយចំនួនជឿថា តាមរយៈការចាត់ថ្នាក់ខាងត្បូងជាសត្រូវដ៏ធំបំផុតរបស់ខ្លួន កូរ៉េខាងជើងអាចនឹងព្យាយាមបង្ហាញអំពីភាពត្រឹមត្រូវនៃការប្រើប្រាស់អាវុធនុយក្លេអ៊ែរនៅក្នុងសង្គ្រាមណាមួយនាពេលអនាគត។

យ៉ាងណាមិញ ការធ្លាក់ចុះនៃទំនាក់ទំនងឆ្លងព្រំដែននាពេលថ្មីៗនេះបានបង្កការភ្ញាក់ផ្អើលក្នុងចំណោមអ្នកឃ្លាំមើលកូរ៉េមួយចំនួនដោយពួកគេចាត់ទុកថា ស្ថានភាពនៅលើឧបទ្វីបកូរ៉េគឺ “គ្រោះថ្នាក់ជាងពេលណាណាទាំងអស់ ចាប់តាំងពីដើមខែមិថុនា ឆ្នាំ១៩៥០” ដែលមិនយូរប៉ុន្មានមុនពេលចាប់ផ្តើមសង្គ្រាមកូរ៉េ។

ប្រភព៖ The Guardian