| |

និស្សិត IT នៃវិទ្យាស្ថានតិចណូ ទទួលបានជ័យលាភីលេខ៣លើពិភពលោក ក្នុងថ្នាក់សិក្សាក្រៅម៉ោង Innovation Track នៃការប្រកួត Huawei ICT Competition Global Final ២០២៤–២០២៥

BySophea Pheak
      

ពិធីបិទ និងប្រគល់រង្វាន់នៃការប្រកួតប្រជែង Huawei ICT ឆ្នាំ២០២៤-២០២៤ វគ្គផ្តាច់ព្រ័ត្របានប្រព្រឹត្តទៅនៅទីក្រុង Shenzhen នាថ្ងៃទី២៤ ខែឧសភា ឆ្នាំ២០២៥។ នៅក្នុងការរៀបចំជាលើកទី ៩ របស់ខ្លួន ព្រឹត្តិការណ៍នេះបានបំបែកឯតទគ្គកម្ម ដោយបានទាក់ទាញនិស្សិត និងគ្រូបង្រៀនជាង ២១០,០០០ នាក់មកពីមហាវិទ្យាល័យ និងសាកលវិទ្យាល័យជាង ២,០០០ នៅក្នុងប្រទេស និងជាង ១០០ នៅក្នុងតំបន់ ។ បន្ទាប់ពីការប្រកួតថ្នាក់ជាតិ និងថ្នាក់តំបន់ ក្រុមចំនួន ១៧៩ មកពី ៤៨ ប្រទេស និងតំបន់បានឈានដល់វគ្គផ្តាច់ព្រ័ត្រជាសកល។

តាមរយៈការប្រកួតប្រជែងដ៏ខ្លាំងក្លាលើផ្នែកសំខាន់ៗចំនួនបី (ការអនុវត្ត ការច្នៃប្រឌិត និងការសរសេរកម្មវិធី) ពានរង្វាន់កិត្តិយសកំពូលត្រូវបានផ្តល់រង្វាន់ដល់ក្រុមឆ្នើមចំនួន ១៨ មកពី ៩ ប្រទេស៖ អាល់ហ្សេរី ប្រេស៊ីល ចិន ម៉ារ៉ុក នីហ្សេរីយ៉ា ហ្វីលីពីន ស៊ែប៊ី សិង្ហបុរី និងតង់ហ្សានី។ ក្នុងនោះ និស្សិតដេប៉ាតឺម៉ង់ព័ត៌មានវិទ្យា និងទំនាក់ទំនង នៃ វិទ្យាស្ថានបច្ចេកវិទ្យាកម្ពុជា ទទួលបានជ័យលាភីលេខ៣ លើពិភពលោក ក្នុងថ្នាក់សិក្សាក្រៅម៉ោង Innovation Track។

ដើម្បីទទួលស្គាល់ការរួមចំណែក ដ៏ឆ្នើមលើសពីភាពល្អឥតខ្ចោះផ្នែកបច្ចេកទេសការប្រកួតក៏បានផ្ដល់ជូននូវពានរង្វាន់កិត្តិយស ពិសេស ផង ដែរ។ ពានរង្វាន់ Women in Tech ត្រូវបានផ្តល់ទៅឱ្យក្រុមនារីទាំងអស់មកពីប្រទេសប្រេស៊ីល អារ៉ាប៊ីសាអូឌីត អាល្លឺម៉ង់ និងកេនយ៉ា។ ពានរង្វាន់អភិវឌ្ឍន៍បៃតងបានទៅក្រុមមកពីប្រទេសហ្គាណា។ ពានរង្វាន់គ្រូបង្រៀនដ៏មានតម្លៃបំផុតបានទទួលស្គាល់គ្រូឆ្នើមចំនួន ១៨ នាក់មកពី ១០ ប្រទេស ដូចជា អាល់ហ្សេរី បង់ក្លាដែស ប្រេស៊ីល ចិន អេហ្ស៊ីប ហុងគ្រី ឥណ្ឌូនេស៊ី អ៊ីរ៉ាក់ នីហ្សេរីយ៉ា និងទួរគី – សម្រាប់ការរួមចំណែករបស់ពួកគេក្នុងការអប់រំ ICT ។

គួរបញ្ជាក់ថា ក្នុងអំឡុងពេលនៃការប្រកួតប្រជែងឆ្នាំនេះ ក្រុមហ៊ុន Huawei ក៏បានរៀបចំកិច្ចប្រជុំកំពូល AI Accelerating Education Transformation Summit ដែលអ្នកជំនាញបានស្វែងយល់ពីតួនាទីសំខាន់របស់ AI ក្នុងការអប់រំឆ្លាតវៃ។ លើសពីនេះ ក្រុមហ៊ុន Huawei បានប្រកាសជាផ្លូវការនូវសមត្ថភាព AI នៃវេទិកាវៃឆ្លាត Huawei ICT Academy ដែលធ្វើឱ្យវាកាន់តែងាយស្រួល និងមានប្រសិទ្ធភាពសម្រាប់អ្នកអប់រំ និងសិស្សក្នុងការប្រើប្រាស់។ នេះជាការបោះជំហានឆ្ពោះ ទៅមុខមួយទៀតក្នុងការឈានទៅមុខផ្នែកឌីជីថលផ្នែកអប់រំ៕

ប្រភព៖ MoEYS, Huawei


      
 
     

អត្ថបទពាក់ព័ន្ធ