នាយករដ្ឋមន្ត្រីម៉ាឡេស៊ី និងឥណ្ឌូណេស៊ី ប្រកាសបញ្ជូនកងកម្លាំងរក្សាសន្តិភាពទៅកាន់តំបន់ហ្គាហ្សា

នាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម បានប្រកាសនៅលើប្រព័ន្ធផ្សព្វផ្សាយសង្គមបែបនេះ បន្ទាប់ពីមានការសន្ទនាតាមទូរស័ព្ទជាមួយប្រធានាធិបតីជាប់ឆ្នោតឥណ្ឌូនេស៊ី លោក Prabowo Subianto កាលពីថ្ងៃចន្ទ (ទី ១ ខែកក្កដា)។

បើតាមលោក អាន់វ៉ា កិច្ចសហប្រតិបត្តិការរក្សាសន្តិភាពបែបនេះអាចពង្រីកដល់កម្រិតតំបន់ដែលពាក់ព័ន្ធនឹងសមាគមប្រជាជាតិអាស៊ីអាគ្នេយ៍ (អាស៊ាន)ផងដែរ។

លោក អាន់វ៉ា បានបន្ថែមថា អ្នកទាំងពីរបានសន្ទនាគ្នារយៈពេលបីនាទី និងផ្លាស់ប្តូរទស្សនៈលើបញ្ហានានា រួមទាំងការស្វាគមន៍ចំពោះគំនិតនៃកិច្ចសហប្រតិបត្តិការក្នុងបេសកកម្មរក្សាសន្តិភាពអន្តរជាតិម៉ាឡេស៊ី-ឥណ្ឌូនេស៊ី និងលទ្ធភាពនៃការពង្រីកកិច្ចសហប្រតិបត្តិការនេះទៅកាន់កម្រិតតំបន់អាស៊ាន”។

នាយករដ្ឋមន្ត្រីម៉ាឡេស៊ីរូបនេះ គឺជាអ្នកគាំទ្រដ៏ម៉ឺងម៉ាត់ និងសំដីនៃបុព្វហេតុប៉ាឡេស្ទីន ហើយបានការពារទំនាក់ទំនងរបស់ប្រទេសម៉ាឡេស៊ីជាមួយក្រុមសកម្មប្រយុទ្ធហាម៉ាស។ បន្ទាប់ពីសង្គ្រាមរបស់អ៊ីស្រាអែលនៅតំបន់ហ្គាហ្សាដែលបានចាប់ផ្តើមបន្ទាប់ពីការវាយលុកឆ្លងព្រំដែនរបស់ពួកហាម៉ាសកាលពីថ្ងៃទី៧ ខែតុលា លោកបានសម្តែងការព្រួយបារម្ភអំពីការស្ទាក់ស្ទើររបស់សហរដ្ឋអាមេរិកនិងលោកខាងលិចក្នុងការដាក់សម្ពាធលើអ៊ីស្រាអែល។

គួរកត់សម្គាល់ថា កិច្ច ខិតខំ ប្រឹងប្រែង រក្សា សន្តិភាព របស់ម៉ាឡេស៊ី និង ឥណ្ឌូណេស៊ី មិន មែន ជា រឿង ចម្លែក នោះ ទេ។ យោងតាមអង្គការសហប្រជាជាតិ ម៉ាឡេស៊ីមានកងកម្លាំងចំនួន ៨៦២នាក់ហើយ ដែលចូលរួមក្នុងប្រតិបត្តិការរក្សាសន្តិភាពរបស់អង្គការសហប្រជាជាតិ គិតត្រឹមចុងខែមេសា។ វរសេនីយ៍ឯក Shamsuri Noordin ទីប្រឹក្សាយោធានៅបេសកកម្មអចិន្ត្រៃយ៍នៃប្រទេសម៉ាឡេស៊ីប្រចាំអង្គការសហប្រជាជាតិ បាននិយាយនៅក្នុងសុន្ទរកថាមួយកាលពីខែកុម្ភៈថា ចាប់តាំងពីឆ្នាំ១៩៦០ ប្រទេសនេះបានចូលរួមក្នុងប្រតិបត្តិការរក្សាសន្តិភាពជាង ៣៨ រួមទាំងនៅក្នុងប្រទេសលីបង់។

ដោយឡែក ឥណ្ឌូណេស៊ីមានបុគ្គលិកឯកសណ្ឋានចំនួន ២,៧១៥ នាក់ត្រូវបានដាក់ពង្រាយក្នុងប្រតិបត្តិការរក្សាសន្តិភាពរបស់អង្គការសហប្រជាជាតិគិតត្រឹមចុងខែមេសា នេះបើយោងតាមអង្គការសហប្រជាជាតិ។

ប្រភព៖ CNA