ជប៉ុនគ្រោងនឹងស្នើដាក់បញ្ចូល “Shodo” ឬអក្សរផ្ចង់ជប៉ុនទៅក្នុងបញ្ជីបេតិកភណ្ឌវប្បធម៌អរូបីរបស់អង្គការ

ទីភ្នាក់ងារកិច្ចការវប្បធម៌របស់ប្រទេសជប៉ុនគ្រោងនឹងស្នើទៅអង្គការយូណេស្កូ ដាក់បញ្ចូល Shodo” ឬអក្សរផ្ចង់ជប៉ុនទៅក្នុងបញ្ជីបេតិកភណ្ឌវប្បធម៌អរូបីរបស់អង្គការ។

សូដូ គឺជាទម្រង់សិល្បៈនៃការសរសេរអក្សរចិន ឬហ៊ីរ៉ាហ្កាណាជាអក្សរ “ស៊ូមី” ឬទឹកថ្នាំខ្មៅ ជាមួយនឹងបច្ចេកទេសបែបបុរាណ ដោយប្រើ “ហ្វុយ” ឬជក់សរសេរ។

ទីភ្នាក់ងារនេះបាននិយាយថា ខ្លួនជ្រើសរើសការសរសេរអក្សរផ្ចង់ជាធាតុដែលបានស្នើឡើងពីទស្សនៈនៃការផ្សព្វផ្សាយភាពចម្រុះ និងភាពស៊ីជម្រៅនៃវប្បធម៌ជប៉ុនទៅកាន់ពិភពលោក។ អង្គការនេះគ្រោងនឹងដាក់សំណើទៅអង្គការយូណេស្កូ នៅចុងខែមីនាខាងមុខនេះបន្ទាប់ពីទទួលបានការអនុម័តជាផ្លូវការពីរដ្ឋាភិបាល។ ស្ថាប័នវប្បធម៌របស់អង្គការសហប្រជាជាតិត្រូវបានគេរំពឹងថានឹងពិភាក្សាអំពីការតែងតាំងរបស់ប្រទេសជប៉ុនសម្រាប់ការចុះបញ្ជីនៅប្រហែលខែវិច្ឆិកា ឆ្នាំ២០២៦។

ប្រទេសជប៉ុនក៏គ្រោងនឹងស្នើធាតុផ្សេងទៀត បន្ថែមទៅក្នុងបញ្ជីបេតិកភណ្ឌវប្បធម៌អរូបីរបស់អង្គការយូណេស្កូមួយចំនួនដែលត្រូវបានចុះបញ្ជីរួចហើយរួមមាន Washi សិប្បកម្មក្រដាសធ្វើដោយដៃប្រពៃណីរបស់ជប៉ុន និងពិធីបុណ្យអណ្តែត Yama, Hoko, Yatai ក៏ដូចជាបច្ចេកទេសស្ថាបត្យកម្មប្រពៃណី។

គួរបញ្ជាក់ថា ប្រទេសជប៉ុនមានសម្បត្តិបេតិកភណ្ឌចំនួន ២២ ដែលបានចុះបញ្ជីរួចហើយក្នុងបញ្ជីបេតិកភណ្ឌវប្បធម៌អរូបីរបស់អង្គការយូណេស្កូក្នុងនោះក៏មានរោងមហោស្រព Nogaku និងម្ហូបជប៉ុនបែបប្រពៃណី Washoku ហើយក៏កំពុងស្នើសុំការផលិតស្រាបៀរប្រពៃណីសម្រាប់ការចុះបញ្ជីអង្គការយូណេស្កូផងដែរ៕

ប្រភព៖ THE JAPANESE TIMES