អាមេរិក អះអាងថា អ៊ុយក្រែននៅសល់រយៈពេលជាង៣០ថ្ងៃទៀតប៉ុណ្ណោះ សម្រាប់ដំណើរការវាយបកទៅលើរុស្សី

មន្ត្រីយោធាលំដាប់កំពូលរបស់សហរដ្ឋអាមេរិក បាននិយាយថា អ៊ុយក្រែននៅសល់ពេលជាង ៣០ ថ្ងៃនៃការប្រយុទ្ធគ្នា មុនពេលបញ្ហាអាកាសធាតុត្រជាក់ចូលមក ដែលនឹងរារាំង ហើយបង្កការលំបាកដល់ការវាយលុករបស់ខ្លួន។ហើយ លក្ខខណ្ឌត្រជាក់នឹងធ្វើឱ្យអ៊ុយក្រែនកាន់តែពិបាកក្នុងការគ្រប់គ្រង។

ស្របពេលជាមួយគ្នានេះ អាមេរិកបានទទួលស្គាល់ថាការវាយលុកបានដំណើរការយឺតជាងការរំពឹងទុក ប៉ុន្តែប្រជាជនអ៊ុយក្រែននៅតែដើរទៅមុខជាមួយនឹងវឌ្ឍនភាពជាលំដាប់។ ទោះជាយ៉ាងនេះក្ដី គេនៅមិនទាន់អាចសន្និដ្ឋានបានទេ ថាអ៊ុយក្រែននឹងទទួលបានជ័យជម្នះឬអត់។

យ៉ាងណាមិញ នៅមានពេលវេលាដ៏សមរម្យមួយប្រហែលពី ៣០ ទៅ ៤៥ ថ្ងៃនៃការប្រយុទ្ធគ្នា នៅពេលអាកាសធាតុត្រជាក់ចូលមក នេះប្រជាជនអ៊ុយក្រែននឹងពិបាកហើយ។

គួរបញ្ជាក់ថា អ៊ុយក្រែនបានចាប់ផ្ដើមយុទ្ធនាការវាយបកទៅលើរុស្សីកាលពីរដូវក្ដៅ។ ដោយឡែកថ្មីៗនេះ អ៊ុយក្រែនបានរំលោភលើខ្សែការពារដំបូងដ៏គ្រោះថ្នាក់របស់រុស្ស៊ីនៅភាគខាងត្បូងហើយកំពុងធ្វើឲ្យមានការរីកចម្រើនក្នុងការប្រយុទ្ធដើម្បីដណ្តើមយកទឹកដីរបស់ខ្លួនឡើងវិញដោយបានដណ្តើមយកដីចំនួន ៥០ ភាគរយដែលរុស្ស៊ីបានដណ្តើមយកមកវិញ។ នេះដោយយោងតាមការអះអាងរបស់មេទ័ពអ៊ុយក្រែនមួយរូប។

BBC