អភិបាលរងរាជធានីភ្នំពេញសម្ដែងការកោតសរសើរចំពោះការរីកចម្រើននៃវិស័យបាល់ទាត់នៅកម្ពុជា
ដោយ៖ ផាត់ គឹមឆែ
មិត្តហ្វូនខេមបូឌាលីគ គឺជាលីគបាល់ទាត់ដ៏ធំក្នុងប្រទេសកម្ពុជា ដែលគ្រប់គ្រងដោយសហព័ន្ធកីឡាបាល់ទាត់កម្ពុជា។ នាថ្ងៃទី២០ ខែវិច្ឆិកា ឆ្នាំ២០២១នេះ ឯកឧត្តម នួន ផារ័ត្នតំណាងឯកឧត្តមអភិបាលរាជធានីភ្នំពេញបានចូលរួមពិធីប្រគល់ពានរង្វាន់ និងបំពាក់មេដាយដល់ក្រុមជើងឯក ពានរង្វាន់ខេមបូឌាលីគ ឆ្នាំ២០២១នៅកីឡាដ្ឋាន ស្មាត អ.អេស.អិន ល្ងាចនេះ។ ម្ចាស់ជើងឯកនៅរដូវកាលមុនគឺក្លិបបឹងកេត ដោយឡែកនៅរដូវកាលនេះ នៃពានរង្វាន់មិត្តហ្វូន ខេមបូឌានលីគ បានទៅលើក្លិបភ្នំពេញក្រោន ក្នុងលទ្ធផល១ទល់នឹង០ជាមួយក្លិបបឹងកេត។
![](https://media.brandbodia.com/wp-content/uploads/2021/11/259607743_4872627409448981_3659033854389653761_n-1024x682.jpg)
នាឱកាសនេះ ក៏មានការអញ្ជើញជាអធិបតី របស់ឯកឧត្តម សៅ សុខា ប្រធានសហព័ន្ធបាល់ទាត់នៅកម្ពុជា ប្រគល់ពានរង្វាន់ និងប្រាក់រង្វាន់ដល់ម្ចាស់ជើងឯក នូវប្រាក់រង្វាន់១៥០លានរៀល។
![](https://media.brandbodia.com/wp-content/uploads/2021/11/258781572_3052535551631466_8494402437748813028_n-1024x683.jpg)
ឯកឧត្តម នួន ផារ័ត្ន អភិបាលរងនៃគណៈអភិបាលរាជធានីភ្នំពេញក៏បានសម្ដែងក្ដីសាទរចំពោះលទ្ធផលនេះ រួមទាំងការរីកចម្រើនជារួមនៃវិស័យកីឡានៅកម្ពុជាផងដែរ។ របស់ឯកឧត្តម នួន ផារ័ត្នបានលើកឡើងថា៖
![](https://media.brandbodia.com/wp-content/uploads/2021/11/258872465_3052532931631728_3998471845369203105_n-1024x683.jpg)
«វិស័យកីឡានៅកម្ពុជា ពិតជាមានភាពរីកចម្រើនគួរឱ្យកត់សម្គាល់ ក្រោមការដឹកនាំរបស់ឯកឧត្តម នាយឧត្តមសេនីយ៍ សៅ សុខា ប្រធាន សហព័ន្ធកីឡាបាល់ទាត់កម្ពុជា និងថ្នាក់ដឹកនាំផ្សេងទៀតដូចជា ឯកឧត្តម ឌី វិជ្ជា ប្រធានគណកម្មការនាយកនៃគណកម្មការប្រកួតបាល់ទាត់កម្ពុជា និងការចូលរួមចំណែកដ៏មិនអាចខ្វះបានរបស់វិសួយឯកជន។ រដ្ឋបាលរាជធានីភ្នំពេញ សូមកោតសរសើរចំពោះការរីកចម្រើននៃវិស័យបាល់ទាត់កម្ពុជាប្រកបដោយមោទកភាពនេះ។»
![](https://media.brandbodia.com/wp-content/uploads/2021/11/258780235_3052532968298391_3044576654341498195_n-1024x683.jpg)
គួរបញ្ជាក់ថាកន្លងមក អភិបាលរាជធានី មិនត្រឹមតែដបានយកចិត្តទុកដាក់ លើការរៀបចំហេដ្ឋារចនាសម្ព័ន្ធ សន្តិសុខ សណ្ដាប់ធ្នាប់សាធារណៈប៉ុណ្ណោះទេ អភិបាលនៃគណៈអភិបាលរាជធានី ក៏បានចូលរួមចំណែកក្នុងការជំរុញដល់ការអភិវឌ្ឍ និងដំណើរឆ្ពោះទៅមុខនៃវិស័យកីឡាបាត់ទាត់នៅកម្ពុជាផងដែរ។ រយៈពេលចុងក្រោយនេះ វិស័យបាល់ទាត់នៅកម្ពុជាហាក់មានសម្ទុះរីកចម្រើន ក៏ដូចជាបង្ហាញមុខលើសមរភូមិវាលស្មៅនៅបរទេសជាញឹកញាប់៕
![](https://media.brandbodia.com/wp-content/uploads/2021/11/259433670_3052532391631782_8213013970177040460_n-1024x683.jpg)
![](https://media.brandbodia.com/wp-content/uploads/2021/11/257649989_3052532508298437_4441570138430657089_n-1024x683.jpg)
កែសម្រួលដោយ៖ BRANDMEDIA