គណបក្សប្រឆាំងក្នុងប្រទេសថៃ នឹងលើកយករឿងដ៏រសើបចំនួន ២ ដើម្បីបំបាក់មុខនាយករដ្ឋមន្ត្រី Paetongtarn Shinawatra នៅចំពោះមុខសភា

នាយករដ្ឋមន្ត្រីថៃ លោកស្រី Paetongtarn Shinawatra ប្រឈមមុខនឹងការមិនទុកចិត្តនៅក្នុងសភា ដោយក្រុមប្រឆាំងគ្រោងនឹងលើកយករឿងសេដ្ឋកិច្ចមិនដំណើរការ និងការជ្រកក្រោមឥទ្ធិពលរបស់ឪពុក ដើម្បីវាយប្រហារលើនាយករដ្ឋមន្ត្រីវ័យក្មេងរូបនេះ។

ទោះបីជាមានការវាយតម្លៃយ៉ាងនេះក្ដី លោកស្រី Paetongtarn នៅតែរក្សាជំហររឹងមាំ ដោយគ្មានសញ្ញានៃភាពចលាចលណាមួយឡើយ។

គណបក្សប្រឆាំង បានរិះគន់លោកស្រី Paetongtarn ថាគ្រប់គ្រងប្រទេសតាមបញ្ជារលោក Thaksin Shinawatra ដែលជាឪពុក និងជាអតីតនាយករដ្ឋមន្ត្រី ដែលត្រូវបានហាមឃាត់មិនឱ្យកាន់តំណែង ជុំវិញការកាត់ទោសពីបទទំនាស់ផលប្រយោជន៍ និងការរំលោភបំពានអំណាចដែលធ្វើឱ្យគាត់នៅនិរទេសខ្លួនឯងអស់រយៈពេល ១៥ ឆ្នាំ។

លោកថាក់ស៊ីន ដែលជាអ្នកនយោបាយដ៏មានឥទ្ធិពល និងនិយមបំផុតរបស់ប្រទេសថៃ បានលេចមុខយ៉ាងធំធេងលើនយោបាយថៃក្នុងរយៈពេល ២៤ ឆ្នាំកន្លងមកនេះ។ លោកបានត្រលប់មកប្រទេសវិញនៅឆ្នាំ២០២៣ ហើយបានចំណាយពេល ៦ ខែនៅក្នុងការឃុំឃាំងនៅក្នុងមន្ទីរពេទ្យក្រោមរដ្ឋាភិបាលដែលដឹកនាំដោយគណបក្សភឿថៃដែលលោកបានបង្កើត មុនពេលត្រូវបានដោះលែងឱ្យនៅក្រៅឃុំ។

លោក ថាក់ស៊ីន បាននិយាយដោយបើកចំហ និងញឹកញាប់អំពីគោលនយោបាយដែលរួមមានការធ្វើឱ្យស្របច្បាប់នូវការលេងល្បែងស៊ីសង និងការទទួលយករូបិយប័ណ្ណគ្រីបតូ និងបានឈ្នះគម្រោងផ្តល់ប្រាក់ចំនួន ១៤ ពាន់លានដុល្លារ ដើម្បីជំរុញសេដ្ឋកិច្ច ដែលទាំងអស់នេះរដ្ឋាភិបាលដឹកនាំដោយភឿថៃបានបន្ត។

យ៉ាងណាមិញ Paetongtarn បានទទូចថារដ្ឋាភិបាលរបស់នាងមិនស្ថិតនៅក្រោមឥទ្ធិពលរបស់នរណាម្នាក់ទេ ខណៈដែលថាក់ស៊ីនអាយុ បាននិយាយថាគាត់ចូលនិវត្តន៍ហើយគ្រាន់តែផ្តល់ដំបូន្មានប៉ុណ្ណោះ។ ដោយឡែក វិធានការសេដ្ឋកិច្ចរបស់រដ្ឋាភិបាលរហូតមកដល់ពេលនេះមិនទាន់បានជំរុញឱ្យមានកំណើនគួរឱ្យកត់សម្គាល់នៅក្នុងសេដ្ឋកិច្ចធំទីពីររបស់អាស៊ីអាគ្នេយ៍នោះទេ ដែលខុសពីដៃគូក្នុងតំបន់។

តួលេខនៃកំណើនរួមទាំងបញ្ហារចនាសម្ព័ន្ធ និងបំណុលគ្រួសារចំនួន ១៦.៣៤ ពាន់ពាន់លានបាត ( ៤៨៦ ពាន់លានដុល្លារ) ឬ ៨៩.០% នៃផលិតផលក្នុងស្រុកសរុប ក្នុងចំណោមសមាមាត្រខ្ពស់បំផុតនៅអាស៊ី ត្រូវបានក្រុមប្រឆាំងនិយាយថារដ្ឋាភិបាលមិនដោះស្រាយ។
សមាជិកសភានឹងមិនអាចបញ្ចេញឈ្មោះ ថាក់ស៊ីន ក្នុងអំឡុងពេលធ្វើចលនានេះបានទេ ដោយសារច្បាប់របស់សភាដែលនិយាយថា អ្នកខាងក្រៅមិនគួរត្រូវបានលើកឡើង។

លោក Yuttaporn Issarachai អ្នកវិទ្យាសាស្ត្រនយោបាយនៃសាកលវិទ្យាល័យ Sukhothai Thammathirat Open បានមានប្រសាសន៍ថា “យុទ្ធសាស្ត្ររបស់បក្សប្រឆាំងក្នុងការធ្វើប្រតិភូកម្មការដឹកនាំរបស់ Paetongtarn មិនមែនជារឿងថ្មីទេ ព្រោះនាងប្រឈមមុខនឹងការរិះគន់ពីសង្គមរួចហើយ”។
លោក Yuttaporn បាននិយាយថា “ការផ្តោតទៅលើតួនាទី និងការជ្រៀតជ្រែករបស់លោកថាក់ស៊ីន ធ្វើឱ្យវាមើលទៅហាក់ដូចជាប្រើនយោបាយពេក និងមិនផ្តល់ផលប្រយោជន៍ដល់សាធារណជន ជំនួសឱ្យការលើកឡើងពីបញ្ហាសេដ្ឋកិច្ច និងសន្តិសុខ”៕

ប្រភព៖ Reuters