យុវជន កក្រក ប្រចាំសាកលវិទ្យាល័យភ្នំពេញចំនួន ១៥០ នាក់ បានទទួលការបំពាក់កន្សែងនាព្រឹកនេះ
នាព្រឹកថ្ងៃសុក្រ ទី០៤ ខែសីហា ឆ្នាំ២០២៣នេះ សាកលវិទ្យាល័យភូមិន្ទភ្នំពេញបានរៀបចំកម្មវិធី “ពិធីសំណេះសំណាល និងបំពាក់កន្សែងយុវជន កក្រក ចំនួន១៥០នាក់” ក្រោមអធិមតីភាពរបស់ ឯកឧត្តមបណ្ឌិត ជេត ជាលី សាកលវិទ្យាធិការនៃសាកលវិទ្យាល័យភូមិន្ទភ្នំពេញ និងលោកជំទាវ សោម សេរីវឌ្ឍន៍ នាយិកានាយកដ្ឋានធនធានមនុស្ស តំណាងលោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា។
![](https://media.brandbodia.com/wp-content/uploads/2023/08/photo_2023-08-04_13-48-19-768x1024.jpg)
![](https://media.brandbodia.com/wp-content/uploads/2023/08/photo_2023-08-04_13-48-30-1024x682.jpg)
ជារៀងរាល់ឆ្នាំ កាកបាតក្រហមកម្ពុជាប្រចាំសាកលវិទ្យាល័យភូមិន្ទភ្នំពេញតែងបានរៀបចំកម្មវិធីបញ្ចូលសមាជិកជាប្រចាំ ដើម្បីពង្រីកសមាជិកយុវជនថ្មីសម្រាប់បំពេញសកម្មភាពមនុស្សធម៌ស្របតាមបេសកកម្ម និងគោលការណ៍គ្រឹះរបស់ចលនាអន្តរជាតិកាកបាទក្រហមអឌ្ឍចន្ទក្រហមនៅក្នុងសាលារៀន និងសហគមន៍។
![](https://media.brandbodia.com/wp-content/uploads/2023/08/photo_2023-08-04_13-48-34-1024x682.jpg)
![](https://media.brandbodia.com/wp-content/uploads/2023/08/photo_2023-08-04_13-48-40-1024x682.jpg)
តាមរយៈការអនុវត្តកន្លងមក កាកបាទក្រហមកម្ពុជាប្រចាំសាកលវិទ្យាល័យភ្នំពេញ តែងបានធ្វើសកម្មភាពមនុស្សធម៌ជាច្រើនតាមរយៈការជួយដល់ជនក្រីក្រ ការឧបត្ថម្ភនិស្សិតក្រីក្រដែលមកពីតំបន់ដាច់ស្រយាល រួមទាំងបុគ្គលិកសិក្សាធិការក្នុងសាកលវិទ្យាល័យ ដែលជួបប្រទះការលំបាក ឬត្រូវការជំនួយ។
![](https://media.brandbodia.com/wp-content/uploads/2023/08/photo_2023-08-04_13-48-43-1024x682.jpg)
![](https://media.brandbodia.com/wp-content/uploads/2023/08/photo_2023-08-04_13-48-48-1024x682.jpg)
គួរបញ្ជាក់ថា កាកបាទក្រហមកម្ពុជាត្រូវបានទទួលស្គាល់ថា គឺជាអ្នកស្ម័គ្រចិត្តវ័យក្មេង ដែលជាកម្លាំងស្នូលមួយដ៏មានសារៈសំខាន់ និងសកម្មបំផុត ក្នុងការផ្ដល់នូវសេវាមមនុស្សធម៌ប្រកបដោយការប្ដេជ្ញាចិត្តខ្ពស់ និងការលះបង់ឥតងាករេ ក្នុងការលើកកម្ពស់សុខដុមរមនាក្នុងសង្គម។