រដ្ឋមន្ត្រីការបរទេសម៉ាឡេស៊ី អំពាវនាវឱ្យអាស៊ានចូលរួមជំនួបក្រៅផ្លូវការមួយ មុនកិច្ចប្រជុំអាស៊ាន-អាម៉េរិក

ថ្ងៃទី១០ ឧសភា ឆ្នាំ២០២២នេះ សម្ដេច ហ៊ុន សែន នាយករដ្ឋមន្ត្រីកម្ពុជា បានដឹកនាំគណៈប្រតិភូជាន់ខ្ពស់កម្ពុជាទៅចូលរួមកិច្ចប្រជុំកំពូលពិសេសអាស៊ាន-អាម៉េរិក នៅទីក្រុងវ៉ាស៊ីនតោន ចាប់ពីថ្ងៃទី១២-១៣ ខែឧសភា ឆ្នាំ២០២២ ។ ក្នុងនាមជាប្រធានអាស៊ាន កម្ពុជាត្រូវធ្វើជាសហប្រធាននៃកិច្ចប្រជុំកំពូលពិសេសអាស៊ាន-អាម៉េរិក និងដើម្បីរំព្ញកខួបអនុស្សាវរីយ៍លើកទី៤៥ នៃទំនាក់ទំនងដៃគូសន្ទនាអាស៊ាន-សហរដ្ឋអាម៉េរិកផងដែរ។

នេះជាជំនួបកំពូលរវាងមេដឹកនាំជាច្រើនរូប។ ជាមួយគ្នានេះដែរ ដោយយោងទៅតាមក្រសួងការបរទេសម៉ាឡេស៊ីបានឱ្យដឹងថា រដ្ឋមន្ត្រីការបរទេសអាស៊ីអាគ្នេយ៍នឹងមានជំនួបក្រៅផ្លូវការមួយ នៅទីក្រុងវ៉ាស៊ីនតោន ដើម្បីពិភាក្សាអំពីរបបយោធាមីយ៉ាន់ម៉ាដែលបដិសេធការព្រមព្រៀងជាមួយអាស៊ាន ដើម្បីផ្លាស់ប្តូរប្រទេសឆ្ពោះទៅរកលទ្ធិប្រជាធិបតេយ្យ។ កិច្ចប្រជុំនេះ នឹងធ្វើឡើងនៅមុនថ្ងៃនៃកិច្ចប្រជុំកំពូលអាម៉េរិក-អាស៊ានរយៈពេលពីរថ្ងៃនៅរដ្ឋធានីនៃសហរដ្ឋអាម៉េរិក។ ជាមួយគ្នានេះ រដ្ឋមន្ត្រីការបរទេសម៉ាឡេស៊ី Saifuddin Abdullah នឹងអំពាវនាវឱ្យមានការចូលរួមក្រៅផ្លូវការដោយសមាគមប្រជាជាតិអាស៊ីអាគ្នេយ៍ជាមួយរដ្ឋាភិបាលឯកភាពជាតិស៊ីវិលស្របគ្នារបស់មីយ៉ាន់ម៉ា (NUG)។ 

លោក Saifuddin រដ្ឋមន្ត្រីក្រសួងការបរទេសម៉ាឡេស៊ី បានមានប្រសាសន៍នៅក្នុងបទសម្ភាសន៍ជាមួយសារព័ត៌មានអន្តរជាតិមួយថា «យើងនឹងបង្ហាញទស្សនៈជាច្រើន អំពីរបៀបដែលយើងអាចធានាថា 5PC ត្រូវបានអនុវត្តយ៉ាងត្រឹមត្រូ»វ។ 5PC គឺសំដៅលើការឯកភាពចំនួនប្រាំចំណុចដែលបានព្រមព្រៀងគ្នាក្នុងចំណោមសមាជិកអាស៊ាន រួមទាំងរបបយោធាភូមា ដែលបានផ្តួលរំលំរដ្ឋាភិបាលស៊ីវិលរបស់លោកស្រី Aung San Suu Kyi កាលពីថ្ងៃទី ០១ ខែកុម្ភៈ ឆ្នាំ ២០២១ បីខែបន្ទាប់ពីគណបក្សរបស់លោកស្រីបានឈ្នះឆ្នោតភ្លូកទឹកភ្លូកដី។ ​យ៉ាងណាមិ​ញ មានមនុស្សជាង ១,៨០០ នាក់ ដែលភាគច្រើនជាជនស៊ីវិល ត្រូវបានសម្លាប់ដោយកងកម្លាំងសន្តិសុខរបស់មីយ៉ាន់ម៉ា ចាប់តាំងពីរដ្ឋប្រហារ ហើយមនុស្សជិត ១១.០០០ នាក់ត្រូវបានចាប់ខ្លួន ចោទប្រកាន់ ឬកាត់ទោសដោយរបបយោធា។

ដោយឡែក ការមូលមតិគ្នាបានអំពាវនាវឱ្យមានការបញ្ឈប់ជាបន្ទាន់នូវអំពើហិង្សា  ការសន្ទនាក្នុងន័យស្ថាបនាក្នុងចំណោមភាគីទាំងអស់  ការផ្តល់ជំនួយមនុស្សធម៌ ក៏ដូចជាការសម្រុះសម្រួលនៃកិច្ចពិភាក្សាបែបនេះ ត្រូវបានសម្របសម្រួលដោយបេសកជនពិសេសអាស៊ានដែលមានកម្ពុជាជាប្រធានប្ដូរវេន  និងជាពិសេស គឺដំណើរទស្សនកិច្ចទៅកាន់ប្រទេសមីយ៉ាន់ម៉ាដោយគណៈប្រតិភូអាស៊ាន ដើម្បីជួបជាមួយគ្រប់ភាគី។

ទន្ទឹមនឹងនេះ លោក Saifuddin បាននិយាយថា លោកនឹងស្នើឱ្យអាស៊ានចាប់ផ្តើមកិច្ចពិភាក្សាក្រៅផ្លូវការជាមួយ NUG និងក្រុមប្រឹក្សាប្រឹក្សាឯកភាពជាតិ។  NUCC រួមមានតំណាងនៃ NUG ក្រុមសង្គមស៊ីវិល អង្គការប្រដាប់អាវុធជនជាតិភាគតិច និងក្រុមមិនគោរពប្រតិបត្តិស៊ីវិល។ ការអត្ថាធិប្បាយរបស់រដ្ឋមន្ត្រីការបរទេសម៉ាឡេស៊ីបានកើតឡើងប្រហែលមួយសប្តាហ៍បន្ទាប់ពីក្រសួងការបរទេសរបស់របបយោធាមីយ៉ាន់ម៉ាបានប្រតិកម្មយ៉ាងខឹងសម្បារចំពោះការលើកឡើងមុនរបស់គាត់ដែលថាអាស៊ានចូលរួមក្រៅផ្លូវការជាមួយ NUG ។

គួរបញ្ជាក់ផងដែរថា ក្រុមសមាជិកសភាអាស៊ីអាគ្នេយ៍មួយក្រុមបានជំរុញឱ្យអាស៊ាន និងសហរដ្ឋអាម៉េរិក ឆ្លៀតឱកាសនៃកិច្ចប្រជុំនេះ ដើម្បីផ្តួចផ្តើមសកម្មភាពដ៏តឹងរ៉ឹងប្រឆាំងនឹងយោធាមីយ៉ាន់ម៉ា។ «យើងជំរុញឱ្យសហរដ្ឋអាម៉េរិក និងអាស៊ានអនុម័តវិធានការខ្លាំងជាងវិធានការដែលបានធ្វើឡើងកន្លងមក រួមទាំងការព្យួរសមាជិកភាពរបស់មីយ៉ាន់ម៉ានៅក្នុងក្រុម ការហាមឃាត់ការធ្វើដំណើរក្នុងតំបន់សម្រាប់ Min Aung Hlaing និងឧត្តមសេនីយ៍របស់គាត់ និងគោលដៅដាក់ទណ្ឌកម្មប្រឆាំងនឹងមេដឹកនាំនៃរដ្ឋប្រហារ»។  នេះបើតាមអ្វីដែលសមាជិកសភាអាស៊ានទទួលបន្ទុកសិទ្ធិមនុស្សបាននិយាយនៅក្នុងសេចក្តីថ្លែងការណ៍មួយ។

ដោយ៖ ផាត់ គឹមឆែ
កែសម្រួលដោយ៖ BRANDMEDIA
ប្រភព៖ ​Samdech Hun Sen, Cambodian Prime Minister, Raio Free Asia