លោក គីម ជុងអ៊ុន បង្ហាញឆន្ទៈធ្វើអ្វីគ្រប់យ៉ាងដែលអាចធ្វើបាន ដើម្បីជួយប្រទេសរុស្ស៊ី!

ប្រធានាធិបតីរុស្ស៊ី លោក វ្ល៉ាឌីមៀ ពូទីន បានថ្លែងអំណរគុណដល់លោក គីម ជុងអ៊ុន ចំពោះភាពក្លាហានរបស់ទាហានកូរ៉េខាងជើង ក្នុងការប្រយុទ្ធប្រឆាំងនឹងកងកម្លាំងអ៊ុយក្រែន។ “ទាហានរបស់អ្នកបានប្រយុទ្ធយ៉ាងក្លាហាន និងប្រកបដោយវីរភាព”។ លោក ពូទីន បានប្រាប់លោក គីម បែបនេះនៅក្នុងកិច្ចប្រជុំមួយនៅក្នុងប្រទេសចិន។

កាលពីដើមឆ្នាំនេះ ទាហានកូរ៉េខាងជើងបានជួយរុស្ស៊ីបណ្តេញកងកម្លាំងអ៊ុយក្រែនចេញពីតំបន់ Kursk ភាគខាងលិចរបស់រុស្ស៊ី។

លោកពូទីនបាននិយាយថា “ខ្ញុំចង់កត់សម្គាល់ថាយើងនឹងមិនភ្លេចការលះបង់ដែលកងកម្លាំងប្រដាប់អាវុធរបស់អ្នកនិងក្រុមគ្រួសារនៃទាហានរបស់អ្នកបានរងទុក្ខនោះទេ” ។

លោកពូទីនបាននិយាយថា “តាងនាមប្រជាជនរុស្ស៊ី ខ្ញុំសូមថ្លែងអំណរគុណចំពោះការចូលរួមរបស់អ្នកនៅក្នុងការប្រយុទ្ធរួមគ្នា” ។ “ខ្ញុំសុូមយថ្លែងអំណរគុណយ៉ាងកក់ក្តៅបំផុតទៅកាន់ប្រជាជននៃសាធារណរដ្ឋប្រជាធិបតេយ្យប្រជាមានិតកូរ៉េទាំងអស់” ។

ជាការឆ្លើយតបមេដឹកនាំកូរ៉េខាងជើង លោក គីម បានប្រាប់លោក ពូទីន ថាកិច្ចសហប្រតិបត្តិការរវាងប្រជាជាតិនានាបានកើនឡើងយ៉ាងខ្លាំងចាប់តាំងពីពួកគេបានចុះហត្ថលេខាលើសន្ធិសញ្ញាភាពជាដៃគូក្នុងខែមិថុនា ឆ្នាំ ២០២៤ ហើយថាលោកមានឆន្ទៈធ្វើ “អ្វីគ្រប់យ៉ាងដែលអាចធ្វើបានដើម្បីជួយ” ប្រទេសរុស្ស៊ី។

(ប្រភព៖ CNA)