ឥទ្ធិពលនៃព្យុះទីហ្វុង Yagi បានបោកបក់ទៅដល់ប្រទេសថៃ ដោយបានឆក់យកជីវិតមនុស្ស ៤នាក់ និងបង្កការជន់លិចផ្ទះរាប់ពាន់ខ្នង

រដ្ឋាភិបាលថៃបាននិយាយនៅថ្ងៃពុធ (១១ កញ្ញា) ថា ទឹកជំនន់ និងការបាក់ដីដែលបង្កឡើងដោយភ្លៀងធ្លាក់ខ្លាំងពីព្យុះទីហ្វុង Yagi បានឆក់យកជីវិតមនុស្ស ៤នាក់នៅភាគខាងជើងប្រទេសថៃ និងបានជន់លិចផ្ទះរាប់ពាន់ខ្នង ខណៈខ្លួនបានចល័តកងទ័ពដើម្បីជួយគ្រួសារដែលរងផលប៉ះពាល់។

នាយករដ្ឋមន្ត្រី Paetongtarn Shinawatra បាននិយាយថា ជំនួយកំពុងដំណើរការទៅកាន់គ្រួសារប្រហែល ៩,០០០ ដែលរងគ្រោះដោយទឹកជំនន់នៅក្នុងខេត្តភាគខាងជើងនៃខេត្តឈៀងម៉ៃ និងឈៀងរ៉ៃ។

នាយកដ្ឋានបង្ការ និងកាត់បន្ថយគ្រោះមហន្តរាយបាននិយាយថា មនុស្សពីរនាក់បានស្លាប់ដោយសារការរអិលបាក់ដីនៅខេត្តឈៀងម៉ៃ និងពីរនាក់ទៀតនៅឈៀងរ៉ៃ ដែលជាប់ព្រំដែនមីយ៉ាន់ម៉ា។

ក្រសួងសុខាភិបាលបាននិយាយថាពួកគេបានពង្រាយ បុគ្គលិកពេទ្យ អ្នកស្ម័គ្រចិត្ត និង អ្នកជួយសង្គ្រោះដើម្បីធ្វើចំណាកស្រុកមនុស្សចាស់ទៅកាន់កន្លែងមានសុវត្ថិភាព។

នាយកដ្ឋានឧតុនិយមថៃក៏បានព្រមានផងដែរថា នឹងមានភ្លៀងធ្លាក់ខ្លាំងបន្ថែមទៀតរហូតដល់ថ្ងៃអង្គារសប្តាហ៍ក្រោយ ដែលនាំមកនូវហានិភ័យនៃទឹកជំនន់ភ្លាមៗ។ សេចក្តីជូនដំណឹងដដែលបានបន្តថា ចាប់ពីថ្ងៃទី១៣ ដល់ថ្ងៃទី១៧ ខែកញ្ញា ដែលបានអំពាវនាវឱ្យមានការប្រុងប្រយត្ន័ចំពោះគ្រោះថ្នាក់ដែលអាចបណ្តាលមកពីភ្លៀងធ្លាក់ខ្លាំង។

ខណៈពេលដែលប្រទេសថៃជួបប្រទះនឹងភ្លៀងមូសុងប្រចាំឆ្នាំ ការប្រែប្រួលអាកាសធាតុដែលបង្កើតឡើងដោយមនុស្ស ក៏កំពុងបណ្តាលឱ្យមានគំរូអាកាសធាតុកាន់តែខ្លាំង ដែលអាចធ្វើឱ្យមានទឹកជំនន់បំផ្លិចបំផ្លាញកាន់តែច្រើន។

យោងតាម មជ្ឈមណ្ឌលប្រតិបត្តិការបន្ទាន់របស់ព្រះរាជាណាចក្រថៃ បានឲ្យដឹងថាមនុស្សសរុបចំនួន ២៩នាក់បានស្លាប់ ដោយសារគ្រោះមហន្តរាយដែលទាក់ទងនឹងភ្លៀងធ្លាក់ខ្លាំងចាប់តាំងពីដើមរដូវកាលនេះ។

ប្រភព៖ CNA