កូនខ្មែរត្រូវដឹង! ចាប់តាំងពីបានចូលជាសមាជិករបស់អង្គការយូណេស្កូ កម្ពុជាបានចុះបញ្ជីនូវសម្បតិ្តបេតិកភណ្ឌរូបី ចំនួន ៤, សម្បតិ្តបេតិកភណ្ឌអរូបី ចំនួន ៦ និងបញ្ជីស្មារតីចងចាំ នៃពិភពលោក ចំនួន ៣
ថ្ងៃទី០៣ ខែកក្កដា ឆ្នាំ២០២៤នេះ គឺជាខួបលើកទី៧៣ ដែលកម្ពុជាបានចូលជាសមាជិករបស់អង្គការយូណេស្កូ។
![](https://media.brandbodia.com/wp-content/uploads/2024/07/photo_2024-07-03_09-00-45-819x1024.jpg)
ចាប់តាំងពីកម្ពុជាបានចូលជាសមាជិករបស់អង្គការយូណេស្កូ កម្ពុជាបានចុះបញ្ជីនូវសម្បតិ្តបេតិកភណ្ឌរូបី ចំនួន ៤, សម្បតិ្តបេតិកភណ្ឌអរូបី ចំនួន ៦ និងបញ្ជីស្មារតីចងចាំ នៃពិភពលោក ចំនួន ៣ ដើម្បីថែរក្សានូវទម្រង់ដើមនៃវប្បធម៌ ក៏ដូចជាមរតកឥតកាត់ថ្លៃដែលបានបន្សល់ទុកដោយដូនតាខ្មែរ ព្រមទាំងជាការចងចាំនូវប្រវត្តិសាស្ត្ររបស់កម្ពុជា ដោយក្នុងនោះរួមមាន៖
១. បេតិកភណ្ឌរូបីនៃមនុស្សជាតិ៖
តំបន់រមណីយដ្ឋានអង្គរ ចុះបញ្ជីនាថ្ងៃទី ១៤ ខែធ្នូ ឆ្នាំ១៩៩២ នៅទីក្រុងសាន់តាហ្វេ សហរដ្ឋអាមេរិក
![](https://media.brandbodia.com/wp-content/uploads/2024/07/photo_2024-07-03_09-00-48-1024x1024.jpg)
ប្រាសាទព្រះវិហារចុះបញ្ជីនាថ្ងៃទី៧ ខែ កក្កដា ឆ្នាំ២០០៨ នៅទីក្រុងកេបិក ប្រទេសកាណាដា
![](https://media.brandbodia.com/wp-content/uploads/2024/07/photo_2024-07-03_09-00-50-1024x1024.jpg)
តំបន់ប្រាសាទសំបូរព្រៃគុក ចុះបញ្ជីនាថ្ងៃទី៨ ខែកក្កដា ឆ្នាំ២០១៧ នៅទីក្រុងក្រាកូវ ប្រទេសប៉ូឡូញ
![](https://media.brandbodia.com/wp-content/uploads/2024/07/photo_2024-07-03_09-00-51-1024x1024.jpg)
រមណីយដ្ឋានប្រាសាទកោះកេរ ចុះបញ្ជីនាថ្ងៃ១៧ ខែកញ្ញា ឆ្នាំ២០២៣ នៅទីក្រុងរីយ៉ាដ ប្រទេសអារ៉ាប៊ីសាអូឌីត ។
![](https://media.brandbodia.com/wp-content/uploads/2024/07/photo_2024-07-03_09-00-54-1024x1024.jpg)
២. បេតិកភណ្ឌវប្បធម៌ អរូបីនៃ មនុស្ស ជាតិ៖
របាំព្រះរាជទ្រព្យ ចុះបញ្ជីនាថ្ងៃទី៧ ខែវិច្ឆិកា ឆ្នាំ២០០៣ នៅទីក្រុង អ៊ីស្ដន់ប៊ូល ប្រទេសតួកគី
![](https://media.brandbodia.com/wp-content/uploads/2024/07/photo_2024-07-03_09-00-55-1024x1024.jpg)
ល្ខោនស្រមោលស្បែកធំ ចុះបញ្ជីនាថ្ងៃទី២៥ ខែវិច្ឆិកា ឆ្នាំ២០០៥ នៅទីក្រុងប៉ារីស ប្រទេសបារាំង
![](https://media.brandbodia.com/wp-content/uploads/2024/07/photo_2024-07-03_09-00-57-1024x1024.jpg)
ល្បែងទាញព្រ័ត្រ ចុះបញ្ជីនាថ្ងៃទី២ ខែធ្នូ ឆ្នាំ២០១៥ នៅទីក្រុងវិនឌុក ប្រទេសណាមីប៊ី
![](https://media.brandbodia.com/wp-content/uploads/2024/07/photo_2024-07-03_09-00-59-1024x1024.jpg)
ចាប៉ីដងវែង ចុះបញ្ជីនាថ្ងៃទី៣០ ខែវិច្ឆិកា ឆ្នាំ២០១៦ នៅទីក្រុងអេតឌីសអាបាបា ប្រទេសអេត្យូពី
![](https://media.brandbodia.com/wp-content/uploads/2024/07/photo_2024-07-03_09-01-01-1024x1024.jpg)
ល្ខោនខោលវត្តស្វាយអណ្តែត ចុះបញ្ជីនាថ្ងៃទី២៨ ខែវិច្ឆិកា ឆ្នាំ ២០១៨ នៅទីក្រុងព័រល្វី នៃសាធារណរដ្ឋម៉ូរីស
![](https://media.brandbodia.com/wp-content/uploads/2024/07/photo_2024-07-03_09-01-02-1024x1024.jpg)
គុនល្បុក្កតោ ចុះបញ្ជីនាថ្ងៃទី២៩ ខែវិច្ឆិកា ឆ្នាំ២០២២ នៅទីក្រុងរ៉ាបាត ព្រះរាជាណាចក្រម៉ារ៉ុក ។
![](https://media.brandbodia.com/wp-content/uploads/2024/07/photo_2024-07-03_09-01-05-1024x1024.jpg)
៣. បញ្ជីស្មារតីចងចាំនៃពិភពលោក៖
បណ្ណាសារឧក្រិដ្ឋកម្មប្រល័យពូជសាសន៍ ទួលស្លែង ចុះបញ្ជីនាថ្ងៃទី៣១ ខែកក្កដា ឆ្នាំ២០០៩ នៅទីក្រុងប្រ៊ីដថោន ប្រទេសបាបាដូស
![](https://media.brandbodia.com/wp-content/uploads/2024/07/photo_2024-07-03_09-01-07-1024x1024.jpg)
ឯកសារសំឡេងនិទានរឿងរាមកេរ្ដិ៍ ដោយតាគ្រុឌ ចុះបញ្ជីនាថ្ងៃទី១៥ ខែឧសភា ឆ្នាំ ២០១៤ នៅខេត្តខ្វាងចូវ ប្រទេសចិន
![](https://media.brandbodia.com/wp-content/uploads/2024/07/photo_2024-07-03_09-01-09-1024x1024.jpg)
រឿងអ៉ីណាវបុស្សិបា ចុះបញ្ជីនាថ្ងៃទី៣០ ខែតុលា ឆ្នាំ២០១៧ នៅទីក្រុងប៉ារីស ប្រទេសបារាំង ។
![](https://media.brandbodia.com/wp-content/uploads/2024/07/photo_2024-07-03_09-01-11-1024x1024.jpg)
ប្រភព៖ STPM