ប្រទេសចិន វាយបកទៅ Zelenskyវិញ ជុំវិញការចោទប្រកាន់ថាបានជ្រៀតជ្រែកក្នុងកិច្ចប្រជុំកំពូលសន្តិភាពពិភពលោក

អ្នកនាំពាក្យក្រសួងការបរទេសចិន លោកស្រី Mao Ning បានឆ្លើយតបទៅនឹងការចោទប្រកាន់របស់ប្រធានាធិបតី Volodymyr Zelensky កាលពីថ្ងៃទី៣ ខែមិថុនា ដោយបានច្រានចោលនូវអ្វីដែល Zelensky លើកឡើងថាប្រទេសចិនកំពុងព្យាយាមបំផ្លាញកិច្ចប្រជុំកំពូលសន្តិភាពពិភពលោកនាពេលខាងមុខ។

កាលពីថ្ងៃមុនលោក Zelensky បានចោទប្រកាន់ប្រទេសចិនថា បានរារាំងប្រទេសនានាពីការចូលរួមក្នុងកិច្ចប្រជុំកំពូលដែលគ្រោងនឹងប្រារព្ធធ្វើនៅប្រទេសស្វីសនៅថ្ងៃទី១៥-១៦ខែមិថុនា។

លោកស្រី Mao បាននិយាយថា ប្រទេសចិនមិនដែល “បំផ្ទុះភ្លើង ឬបញ្ឆេះភ្លើង” នៃសង្រ្គាមពេញលក្ខណៈរបស់រុស្ស៊ីនៅអ៊ុយក្រែននោះទេ។ លោកស្រីបានបន្ថែមថា “យើងជឿជាក់ថា យើងអាចទទួលបានការយល់ដឹង និងការគាំទ្រពីគ្រប់ភាគីទាំងអស់” ដោយនិយាយថា ជំហររបស់ប្រទេសចិនក្នុងកិច្ចប្រជុំកំពូលគឺ “បើកចំហ និងមានតម្លាភាព”។

ខណៈពេលដែលលោក Zelensky បាននិយាយថាប្រទេសជាង១០០ និងអង្គការអន្តរជាតិត្រូវបានកំណត់ឱ្យចូលរួមនោះ ប្រធានាធិបតីសហរដ្ឋអាមេរិកលោក Joe Biden ទំនងជានឹងខកខានសន្និសីទសន្តិភាពនៅពេលដែលវាប៉ះទង្គិចជាមួយនឹងការរៃអង្គាសថវិកាសម្រាប់យុទ្ធនាការ។

រុស្ស៊ីមិនត្រូវបានអញ្ជើញឱ្យចូលរួមក្នុងកិច្ចពិភាក្សានេះទេ ប៉ុន្តែម្ចាស់ផ្ទះស្វីសបាននិយាយថា អ្នកតំណាងរបស់ទីក្រុងម៉ូស្គូនឹងត្រូវចូលរួមក្នុងដំណើរការក្រោយៗទៀត។

ទោះជាយ៉ាងណាក៏ដោយ ថ្លែងកាលពីថ្ងៃទី ១៦ ឧសភា ក្នុងសន្និសីទសារព័ត៌មានក្នុងអំឡុងដំណើរទស្សនកិច្ចរយៈពេលពីរថ្ងៃរបស់ប្រធានាធិបតីរុស្ស៊ី លោក Vladimir Putin ទៅកាន់ប្រទេសចិន ប្រធានាធិបតីចិន Xi Jinping បានអះអាងថា មេដឹកនាំទាំងពីរបានយល់ស្របថា “ដំណោះស្រាយនយោបាយ” ចំពោះសង្គ្រាមនៅអ៊ុយក្រែន គឺជា “ទិសដៅត្រឹមត្រូវ” ។

ប្រភព៖ Kyiv independent