Trump និង Zelenskyy គ្រោងជួបជាមួយពូទីនដើម្បីបញ្ចប់សង្គ្រាមអ៊ុយក្រែន
វ៉ាស៊ីនតោន៖ ប្រធានាធិបតីអ៊ុយក្រែន លោក Volodymyr Zelenskyy និងមេដឹកនាំអឺរ៉ុបចំនួនប្រាំពីររូប បានជួបជាមួយប្រធានាធិបតីអាមេរិក លោក Donald Trump នៅសេតវិមានកាលពីថ្ងៃចន្ទ ប៉ុន្មានថ្ងៃបន្ទាប់ពីកិច្ចប្រជុំកំពូលរបស់លោក Trump ជាមួយប្រធានាធិបតីរុស្ស៊ី លោក Vladimir Putin នៅរដ្ឋអាឡាស្កា ដើម្បីរិះរកវិធីនៃការបញ្ចប់សង្រ្គាមនៅអ៊ុយក្រែន។
ការពិភាក្សាបានផ្តោតលើការធានាសន្តិសុខ ការគាំទ្រផ្នែកយោធា និងជំហានបន្ទាប់ដែលអាចកើតមានចំពោះកិច្ចពិភាក្សាដោយផ្ទាល់ជាមួយទីក្រុងម៉ូស្គូ។ លោក Zelenskyy បាននិយាយថា កិច្ចពិភាក្សារួមមានផែនការសម្រាប់អ៊ុយក្រែនក្នុងការទិញសព្វាវុធរបស់សហរដ្ឋអាមេរិកដែលមានតម្លៃប្រហែល 90 ពាន់លានដុល្លារជាមួយនឹងការផ្តល់ហិរញ្ញប្បទានពីអឺរ៉ុប ក៏ដូចជាសំណើសម្រាប់អ៊ុយក្រែនក្នុងការផលិតយន្តហោះគ្មានមនុស្សបើកសម្រាប់ទិញដោយទីក្រុងវ៉ាស៊ីនតោន។ លោកបានបន្ថែមថាកិច្ចព្រមព្រៀងផ្លូវការអាចត្រូវបានបញ្ចប់ក្នុងរយៈពេល១០ថ្ងៃ។
លោក Trump បាននិយាយថាលោកបានចាប់ផ្តើមរៀបចំកិច្ចប្រជុំដោយផ្ទាល់រវាងលោក Putin និង Zelenskyy ដែលក្រោយមកអាចនាំឱ្យមានកិច្ចប្រជុំកំពូលត្រីភាគីដែលពាក់ព័ន្ធនឹងសហរដ្ឋអាមេរិក រុស្ស៊ី និងអ៊ុយក្រែន។ Zelenskyy បានសម្តែងការត្រៀមខ្លួនសម្រាប់ “ទម្រង់ណាមួយ” នៃការចរចាជាមួយពូទីន។
ទោះបីជា Zelenskyy និង Trump បានពិភាក្សាគ្នាអំពីផែនទីដែលបង្ហាញពីទឹកដីអ៊ុយក្រែនដែលកាន់កាប់ដោយរុស្ស៊ីក៏ដោយ ក៏មន្ត្រីអង្គការណាតូបានសង្កត់ធ្ងន់ថា ការគូសព្រំដែនឡើងវិញមិនមាននៅលើតុទេ ហើយនឹងត្រូវទុកសម្រាប់ការចរចានាពេលអនាគត។ មេដឹកនាំអឺរ៉ុបក៏បានបញ្ជាក់ដែរថា លោក Trump បានទូរស័ព្ទទៅលោកពូទីន បន្ទាប់ពីកិច្ចប្រជុំដើម្បីពន្យល់គាត់អំពីលទ្ធផល។
ប្រភព៖ CNN
