ប្រធានាធិបតី Donald Trump បាននិយាយថា លោកបានធ្វើកិច្ចព្រមព្រៀងជាមួយអង្គការណាតូ ដើម្បីឱ្យសហរដ្ឋអាមេរិកបញ្ជូនអាវុធទៅអ៊ុយក្រែនតាមរយៈសម្ព័ន្ធមិត្ត ហើយថា NATO នឹងចំណាយសម្រាប់អាវុធទាំងនោះ “មួយរយភាគរយ”។
អគ្គលេខាធិការអង្គការណាតូ លោក Mark Rutte បានលើកឡើងថា លោកបានជំរុញឱ្យមេដឹកនាំអ៊ុយក្រែនបន្តទៅមុខទៀត តាមរយៈការផ្ដល់សព្វាវុធគ្រប់គ្រាន់ រួមទាំងប្រព័ន្ធការពារអាកាស។
រដ្ឋមន្ត្រីការបរទេសអាមេរិក លោក Marco Rubio ក៏បាននិយាយកាលពីថ្ងៃព្រហស្បតិ៍ថា សហរដ្ឋអាមេរិកកំពុងនិយាយជាមួយបណ្តាប្រទេសនៅអឺរ៉ុបអំពីការផ្ដល់ជំនួយដល់អ៊ុយក្រែនផងដែរ។
