ឥណ្ឌាបានបេីកការវាយប្រហារទ្រង់ទ្រាយធំចូលប៉ាគីស្ថាន សម្លាប់មនុស្ស៨នាក់ និងរបួសជាច្រេីននាក់

ប្រភពពីយោធាប៉ាគីស្ថានបាននិយាយកាលពីថ្ងៃពុធថា កងកម្លាំងទ័ពអាកាសប៉ាគីស្ថាន (PAF) បានបាញ់ទម្លាក់យន្តហោះឥណ្ឌាមួយគ្រឿងទៀតជាការឆ្លើយតបទៅនឹងការវាយប្រហារដោយមីស៊ីលរបស់ឥណ្ឌានៅទីតាំងចំនួន៦ នៅក្នុងប្រទេសប៉ាគីស្ថាន ដែលបានសម្លាប់មនុស្សយ៉ាងហោចណាស់ ៨នាក់ និង ៣៦នាក់ផ្សេងទៀតរងរបួស។

ប្រភពយោធាបាននិយាយថា នេះជាយន្តហោះឥណ្ឌាទី៥ ដែលត្រូវបានបាញ់ទម្លាក់ក្នុងការឆ្លើយតបទៅនឹងការវាយប្រហារពេញមួយយប់របស់ឥណ្ឌា ដោយបន្ថែមថា quadcopters ឥណ្ឌាចំនួន៤ ត្រូវបានបំផ្លាញនៅទីតាំងពីរក្នុងប្រទេសប៉ាគីស្ថានសម្រាប់ការរំលោភលើដែនអាកាសរបស់ប្រទេស។ ប៉ាគីស្ថានបានថ្កោលទោសចំពោះទង្វើមិនញុះញង់ និងជេរប្រមាថរបស់ឥណ្ឌាក្នុងសង្រ្គាម និងការរំលោភលើអធិបតេយ្យភាពប៉ាគីស្ថាន។

នៅក្នុងសេចក្តីថ្លែងការណ៍មួយ អ្នកនាំពាក្យក្រសួងការបរទេសប៉ាគីស្ថាន លោក Shafqat Ali Khan បាននិយាយថា កងទ័ពអាកាសឥណ្ឌាបានរំលោភលើអធិបតេយ្យភាពរបស់ប៉ាគីស្ថាន ដោយប្រើអាវុធទប់ទល់ ដោយបានកំណត់គោលដៅប្រជាជនស៊ីវិលឆ្លងកាត់ព្រំដែនអន្តរជាតិនៅស្រុក Bahawalpur និងស្រុក Sheikhupura ក្នុងខេត្ត Punjab ភាគខាងកើតនៃប្រទេសប៉ាគីស្ថាន ក៏ដូចជាស្រុក Muzaffarabad, Bagh និងស្រុក Kotli ដែលគ្រប់គ្រងនៅប៉ាគីស្ថាន។

ប្រភព៖ Xinhua