ក្រុមអ្នកតវ៉ាបានដុតផ្ទះរបស់ឳពុកអតីតនាយករដ្ឋមន្ត្រីបង់ក្លាដែស!

ក្រុមអ្នកតវ៉ានៅក្នុងប្រទេសបង់ក្លាដែសបានបំផ្លិចបំផ្លាញ និងដុតបំផ្លាញផ្ទះអតីតគ្រួសាររបស់នាយករដ្ឋមន្ត្រីដែលត្រូវបានទម្លាក់ចេញពីតំណែងលោកស្រី Sheikh Hasina ក៏ដូចជាសមាជិកដទៃទៀតនៃគណបក្សលោកស្រីផងដែរ។

តាមសាក្សីនៅកន្លែងកើតហេតុ ក្រុមបាតុករ ក្នុងនោះមានអ្នកខ្លះប្រដាប់ដោយដំបង ញញួរ និងរបស់របរផ្សេងទៀត បានប្រមូលផ្ដុំគ្នាឡោមព័ទ្ធផ្ទះឪពុករបស់លោកស្រី Hasina ហើយនៅពេលនោះ មានបាតុករជាច្រើននាក់បានវាយបំផ្លិចបំផ្លាញ និងយកភ្លើងដុតផ្ទះនេះតែម្ដង។ ការប្រមូលផ្ដុំគ្នានេះត្រូវបានធ្វើឡើងតាមការអំពាវនាវមួយ ដើម្បីប្រឆាំងនឹងការលើកឡើងរបស់លោកស្រី Hasina កាលពីថ្ងៃពុធ ទី៥ ខែកុម្ភៈ ដែលអំពាវនាវនៅលើបណ្ដាញទំនាក់ទំនងសង្គមឱ្យក្រុមអ្នកគាំទ្ររបស់លោកស្រី ក្រោកឈរឡើងប្រឆាំងនឹងរដ្ឋាភិបាលបណ្ដោះអាសន្នសព្វថ្ងៃ។

កាលពីល្ងាចថ្ងៃពុធ អេស្កាវ៉ាទ័របានវាយកម្ទេចផ្ទះរបស់ឪពុកចុងរបស់ Hasina គឺ Sheikh Mujibur Rahman ដែលជាប្រធានាធិបតីប្រទេសបង់ក្លាដែសផងដែរ។ នៅក្នុងការផ្សាយផ្ទាល់តាមហ្វេសប៊ុក Hasina បានថ្កោលទោសការវាយប្រហារនេះ និងទាមទារ «យុត្តិធម៌»។
នាង បាននិយាយថា ៖ « ពួកគេអាចវាយកម្ទេចអគារមួយបានប៉ុន្តែពួកគេមិនអាចលុបប្រវត្តិសាស្ត្របានទេ »។

Hasina ដែលធ្លាប់ត្រូវបានគេសរសើរថានិមិត្តរូបតំណាងគាំទ្រលទ្ធិប្រជាធិបតេយ្យ និងបានមើលឃើញកេរ្តិ៍ឈ្មោះរបស់នាងយ៉ាងជូរចត់បន្ទាប់ពីឡើងកាន់តំណែង។ នាងត្រូវបានចោទប្រកាន់ពីបទក្លែងបន្លំការបោះឆ្នោត និងដាក់គុកអ្នករិះគន់របស់នាង ហើយរដ្ឋបាលរបស់នាងត្រូវបានគេគេចោទប្រកាន់ថាមានអំពើពុករលួយ។ លោកស្រីប្រឈមមុខនឹងដីកាចាប់ខ្លួនចំពោះការបង្ក្រាបការតវ៉ាដែលដឹកនាំដោយនិស្សិតកាលពីឆ្នាំមុន ដែលបង្កឱ្យមានមនុស្សស្លាប់ជាច្រេីន។ ខណៈពេលដែល Hasina បានភៀសខ្លួនទៅកាន់ប្រទេសឥណ្ឌាកាលពីខែសីហាឆ្នាំមុន កំហឹងមិនបានរលាយសាបសូន្យប្រឆាំងនឹងនាង និងមិត្តរួមបក្ស Awami League របស់នាងឡើយ។

ប្រភព៖ BBC