វប្បធម៌ចែករំលែកបន្តដិតដាមក្នុងឈាមជ័រខ្មែរ!
ដោយ៖ ង៉ាយ ណៃ
វិបត្តិកូវីដ-១៩៖ អស់រយៈពេលជាងមួយឆ្នាំមកហើយ ដែលជំងឺរាតត្បាតសកលកូវីដ-១៩បានវាយលុកក្នុងប្រទេសកម្ពុជា គិតចាប់ពីចុងខែមករា ឆ្នាំ២០២០។ កូវីដ-១៩ បានបង្កផលប៉ះពាល់យ៉ាងខ្លាំងដល់កំណើនសេដ្ឋកិច្ចជាតិនិយាយជារួម និងអាជីវកម្មតូច-ធំ ពិសេសពលរដ្ឋក្រីក្រនិយាយដោយឡែក។ ស្ថិតក្នុងកាលៈទេសៈដ៏លំបាកនេះ «វប្បធម៌ចែករំលែក» ឬការជួយគ្នាក្នុងគ្រាលំបាក ត្រូវបានមើលឃើញថាកំពុងកើតមានឡើងនៅក្នុងសង្គមខ្មែរ។
![](https://media.brandbodia.com/wp-content/uploads/2021/04/IMG_6963-1024x683.jpg)
ពលរដ្ឋក្រីក្រ និងអ្នករងផលប៉ះពាល់ធ្ងន់ធ្ងរផ្នែកសេដ្ឋកិច្ចបង្កឡើងដោយជំងឺកូវីដ-១៩ កំពុងទទួលបានការទំនុកបម្រុងស្បៀងអាហារ និងសម្ភាៈប្រើប្រាស់ចាំបាច់មួយចំនួន ដោយគ្មានការរើសអើងពណ៌សម្បុរ ឋានៈ ឬនិន្នាការនយោបាយអ្វីនោះឡើយ។ ជាមួយគ្នានេះ ការចែករំលែកនេះទៀតសោត ធ្វើឡើងក្នុងស្មារតីជាខ្មែរ ដើម្បីបង្ហាញសាមគ្គីភាព និងការរួបរួមគ្នាជាធ្លុងមួយ ខណៈប្រទេសជាតិកំពុងរងគ្រោះធ្ងន់ធ្ងរដោយសារវិបត្តិកូវីដ-១៩។
នេះមិនមែនជារឿងថ្មីឡើយ។ ប្រជាពលរដ្ឋខ្មែរ តែងត្រូវបានគេស្គាល់ថា ជាពូជសាសន៍ដែលចេះជួយយកអសារ ពឹងពាក់ពំនាក់អាស្រ័យ និងការយោគយល់គ្នាទៅវិញទៅមកនៅក្នុងគ្រា អាសន្នអន់ក្រ។ ហើយអាស្រ័យហេតុនេះ ទើបវប្បធម៌ចែករំលែក អាចចាក់ប្ញសបានយ៉ាងរឹងមាំនៅក្នុងផ្នត់គំនិតប្រជាជនខ្មែរ។
បើទោះបីជាស្មារតីចែករំលែករវាងខ្មែរ និងខ្មែរបានកំពុងបន្តនៅក្នុងបរិបទកូវិដ១៩ និងការរាំងខ្ទប់ទីក្រុង និងខេត្តមួយចំនូនយ៉ាងណាក៏ដោយ ពលរដ្ឋទាំងអស់ត្រូវតែអនុវត្តវិធានសុខាភិបាល និងគោរពតាមបទបញ្ជាដែលបានដាក់ចេញដោយប្រមុខរាជរដ្ឋាភិបាល ដើម្បីជាផ្នែកមួយនៃការចូលរួមក្នុងយុទ្ធនាការប្រយុទ្ធប្រឆាំងនឹងជំងឺរាតត្បាតនេះ។ ប្រសិនបើពុំដូច្នេះទេ ពិតណាស់ថា ព្រឹត្តិការណ៍សហគមន៍២០កុម្ភៈ នឹងមិនអាចបិទបញ្ចប់នៅក្នុងរយៈពេលឆាប់ៗខាងមុខនេះទេ៕
![](https://media.brandbodia.com/wp-content/uploads/2021/04/173866733_2987670974795596_8073527253219128507_n-1024x682.jpg)
![](https://media.brandbodia.com/wp-content/uploads/2021/04/174496843_2841192696095444_7734703095056152147_n.jpg)
![](https://media.brandbodia.com/wp-content/uploads/2021/04/174154298_2839860112895369_8456062809038126701_n.jpg)
![](https://media.brandbodia.com/wp-content/uploads/2021/04/173255277_10215465976482621_5502020947430770561_n.jpg)
![](https://media.brandbodia.com/wp-content/uploads/2021/04/172268804_4511903478839801_8311339159491568452_n-1024x768.jpg)
![](https://media.brandbodia.com/wp-content/uploads/2021/04/IMG_6965-1024x683.jpg)
![](https://media.brandbodia.com/wp-content/uploads/2021/04/172813439_301178294904286_719712724235953347_n.jpg)
![](https://media.brandbodia.com/wp-content/uploads/2021/04/172085256_1801071926740822_3315126818009680950_n.jpg)
![](https://media.brandbodia.com/wp-content/uploads/2021/04/171523214_2893317074251458_4728939672128605493_n-1024x768.jpg)