តើប្រទេសអាស៊ានកំពុងសម្លឹងឃើញអ្វីពីអាម៉េរិក? តើអាម៉េរិកអាចផ្តល់អំណាច និងពង្រឹងភាពរឹងមាំរបស់អាស៊ានយ៉ាងដូចម្ដេច?

ក្នុងខណៈពេលដែលកម្ពុជាធ្វើជាសហប្រធាន នៅក្នុងកិច្ចប្រជុំកំពូលពិសេសអាស៊ាន-អាម៉េរិក នៅថ្ងៃទី១២-១៣ ខែឧសភា ឆ្នាំ២០២២ ដែលកិច្ចប្រជុំនឹងប្រព្រឹត្តទៅនៅរដ្ឋវ៉ាស៊ីនតោន ឌីស៊ី សហរដ្ឋអាម៉េរិក ដែលជំនួបនេះត្រូវបានគេសម្លឹងឃើញថាអាចផ្ដល់ជាភាពវិជ្ជមានសម្រាប់ប្រទេសដែលជាសមាជិកអាស៊ាន។  បណ្តាប្រទេសអាស៊ានមានការប្រុងប្រយ័ត្នខ្ពស់ចំពោះការពិតដែលថាទំនាក់ទំនងរវាងសហរដ្ឋអាម៉េរិក និងចិនមានអាចនឹងមានផលប៉ះពាល់ចំពោះខ្លួន។  ទោះបីជាមានភាពចម្រុះក៏ដោយ ក៏ប្រទេសអាស៊ានទាំងអស់ចង់ឱ្យសហរដ្ឋអាម៉េរិកចូលរួមនៅក្នុងតំបន់អាស៊ីអាគ្នេយ៍ដើម្បីធ្វើឱ្យមានភាពស្មើគ្នាជាមួយនឹងឥទ្ធិពលដ៏លើសលប់របស់ប្រទេសចិន។ 

បណ្ដាប្រទេសអាស៊ាន ក៏ទំនងជាកំពុងស្វែងរកការពង្រឹងទំនាក់ទំនងជាមួយប្រទេសជប៉ុន ឥណ្ឌា អូស្ត្រាលី និងមហាអំណាចខាងក្រៅផ្សេងទៀតដែលអាចចូលរួមធ្វើទៅបាន ដើម្បីធ្វើឱ្យភាពស្មើគ្នានៃអំណាចនៅក្នុងតំបន់ ឬដូចដែលអតីតរដ្ឋមន្ត្រីការបរទេសឥណ្ឌូនេស៊ីលោក Marty Natalegawa បានហៅវាថាជា លំនឹងថាមវន្ត។ យ៉ាងណាមិញ អ្វីដែលអាស៊ានមិនចង់បាននោះគឺ ត្រូវបង្ខំឱ្យជ្រើសរើសរវាង សហរដ្ឋអាម៉េរិក និងចិន។  ជាក់ស្ដែង ពាណិជ្ជកម្មនាំចូលពីទីក្រុងវ៉ាស៊ីនតោន ក៏ជាតម្រូវការចាំបាច់ សម្រាប់ស្ថាប័នពហុភាគីដែលមានមូលដ្ឋាននៅអាស៊ាន ដូចជាកិច្ចប្រជុំកំពូលអាស៊ីបូព៌ា និងវេទិកាតំបន់អាស៊ាន ដែលប្លុកទាំងនេះ មានទីតាំងនៅមជ្ឈមណ្ឌលស្ថាបត្យកម្មក្នុងតំបន់របស់ឥណ្ឌូប៉ាស៊ីហ្វិក។

លើសពីនេះទៅទៀត អាស៊ានទាំងមូលចង់ឱ្យសហរដ្ឋអាម៉េរិកក្លាយជាដៃគូសេដ្ឋកិច្ចដ៏រឹងមាំ ហើយសមាជិកជាច្រើនទៀតក៏កំពុងទន្ទឹងរង់ចាំយ៉ាងអន្ទះសារនូវព័ត៌មានលម្អិតនៃក្របខ័ណ្ឌសេដ្ឋកិច្ចឥណ្ឌូប៉ាស៊ីហ្វិកដែលបានស្នើឡើងផងដែរ។  ជាមួយគ្នានេះដែរ អាស៊ានកំពុងស្វែងរកដៃគូសម្រាប់កិច្ចសហការលើបញ្ហាការប្រែប្រួលអាកាសធាតុ ការត្រៀមបង្ការជំងឺរាតត្បាត និងឧក្រិដ្ឋកម្មឆ្លងដែន។ 

ដោយឡែក ការគាំទ្ររបស់សហរដ្ឋអាម៉េរិកចំពោះពហុភាគីនិយមដែលឈរលើមូលដ្ឋានអាស៊ាន នឹងផ្តល់អំណាចដល់ប្លុក និងពង្រឹងភាពរឹងមាំរបស់អាស៊ាន ជាពិសេសចំពោះមុខកិច្ចខិតខំប្រឹងប្រែងរបស់ចិន ដែលបានធ្វើម្តងហើយម្តងទៀតដើម្បីបង្អាក់សមត្ថភាពរបស់អាស៊ានក្នុងការរុញច្រានប្រឆាំងនឹងការទន្ទ្រានរបស់ចិននៅសមុទ្រចិនខាងត្បូង៕

ដោយ៖ ផេង ផល្លា
កែសម្រួលដោយ៖​ BRANDMEDIA
រូបភាព៖ aseanbriefing
ប្រភព៖ irrawaddy.com