ការពិតដ៏អស្ចារ្យចំនួន១១អំពីផ្ការំដួល

ផ្ការំដួល ត្រូវបានគេទទួលស្គាល់ថាជាផ្កាជាតិរបស់ប្រទេសកម្ពុជា។ ផ្ការំដួលមានក្លិនក្រអូប ជាពិសេសនៅពេលល្ងាច ដោយសារភាពទាក់ទាញនេះ ចាស់បុរាណខ្មែរតែងតែប្រដូចស្រីក្រមុំទៅផ្ការំដួលថាមានក្លិនក្រអូប និងរូបរាងស្រស់ស្អាត។ ខាងក្រោមនេះគឺជាការពិតដ៏អស្ចារ្យចំនួន ១១អំពីផ្ការំដួល៖

១- រំដួលជាប្រភេទរុក្ខជាតិ

រំដួល ត្រូវបានគេស្គាល់តាមបែបវិទ្យាសាស្ត្រថា ជាមេត្រេលម៉េសនីយី (Mitrella mesnyi)។ រំដួលជាប្រភេទរុក្ខជាតិដែលមានកម្ពស់ពី ៨ ទៅ ១២ ម៉ែត្រដែលមានអង្កត់ផ្ចិតដើមពី២០ ទៅ៣០សង់ទីម៉ែត្រ។

២- សោភ័ណភាព

ផ្ការំដួលមានពណ៌ស-លឿងគួរជាទីគាប់ចិត្ត ដែលមានស្លឹករាងសំប៉ែតមានស្លឹកឆ្លាស់គ្នា ដែលមានទំហំពី ២ ទៅ ៤ សង់ទីម៉ែត្រ ឬពី ៦ ទៅ ១០ សង់ទីម៉ែត្រ។ ចំពោះសម្បករបស់ដើមរំដួល មានពណ៌លឿងត្នោត។

៣- មានក្លិនក្រអូប

មូលហេតុមួយនៅពីក្រោយភាពទាក់ទាញរបស់រំដួល គឺក្លិនក្រអូបរបស់វាដែលមានឥទ្ធិពល ជាពិសេសនៅពេលរសៀល និងពេលល្ងាច។

៤- ប្រើប្រាស់ក្នុងឱសថបុរាណ

នៅក្នុងឱសថបុរាណដែលនៅតែត្រូវបានអនុវត្តយ៉ាងទូលំទូលាយនៅទូទាំង ប្រទេសកម្ពុជា ជនបទ។ ផ្កានេះត្រូវបានគេប្រើដើម្បីព្យាបាលការវិលមុខ ជួយដល់បេះដូង និងសម្ពាធឈាម។ ចំណែកសម្បកឈើត្រូវបានគេប្រើដើម្បីព្យាបាលគ្រុនក្តៅ។

៥- វាជាភោគផល

រុក្ខជាតិនេះ មានផ្លែជាចង្កោម ដែលប្រែទៅជាពណ៌ក្រហមក្រមៅនៅពេលវាទុំ។ គេអាចបរិភោគបានហើយអាចរកបាននៅតាមទីផ្សារជាច្រើនទូទាំងប្រទេស។

៦- ផ្កាជាតិរបស់ប្រទេសកម្ពុជាកម្ពុជា

នៅឆ្នាំ២០០៥ រំដួលត្រូវបានចុះជាផ្កាជាតិរបស់កម្ពុជាជាផ្លូវការតាមព្រះរាជក្រឹត្យរបស់ ព្រះមហាក្សត្រសម្ដេចព្រះបាទ នរោត្ដម សីហមុនី ។ ព្រមទាំងត្រូវបានគេដាក់ទង់ជាតិជានិមិត្តរូប នៃការការពារបរិស្ថានដោយរដ្ឋាភិបាលកម្ពុជា។

៧- យកធ្វើជាគ្រឿងលាបបបូរមាត់

ក្លិនដ៏ក្រអូបរបស់វាបានធ្វើឱ្យវាក្លាយជាគ្រឿងផ្សំគួរឱ្យទាក់ទាញនៅសម័យបុរាណ ដោយផ្កានេះត្រូវបានផ្លាស់ប្តូរទៅជាក្រមួនបបូរមាត់ដែលមានក្លិនក្រអូបសម្រាប់នារីហៅថា ក្រមួនរំដួល។

៨- យើងអាចឃើញផ្កានេះនៅគ្រប់ទីកន្លែង

អ្នកអាចឃើញរំដួលដុះនៅតាមសួនច្បារសាធារណៈ តាមដងផ្លូវ សួនច្បារឯកជន និងនៅសណ្ឋាគារ និងភោជនីយដ្ឋានជាដើម។

៩- កន្លែងមួយចំនួនត្រូវបានដាក់ឈ្មោះតាមរំដួល

មានកន្លែងជាច្រើននៅក្នុងប្រទេសកម្ពុជា ដែលមានឈ្មោះរំដួល។ ទាំងនេះរួមមានស្រុករំដួល ក្នុងខេត្តស្វាយរៀងភាគអាគ្នេយ៍ និងឃុំរំដួលដែលជាឃុំមួយក្នុងខេត្តបាត់ដំបង ។

១០- ដើមរបស់វាមានសារប្រយោជន៍

ដើមត្រូវបានអ្នកស្រុកប្រើជាអុស និងជាសម្ភារៈសំណង់ សម្រាប់ផ្ទះទូក និងរបស់របរផ្សេងៗ។

១១- រំដួលត្រូវបានប្រៀបប្រដូចទៅនឹងមនុស្សស្រី

ស្ត្រីខ្មែរដែលមានសម្រស់ស្រស់ស្អាតត្រូវបានគេហៅថា «រំដួល»​ ហើយវាត្រូវបានគេប្រើជាឈ្មោះស្រីនៅក្នុងប្រទេសផងដែរ។

ដោយ៖ សន ស្រីពេជ្រ

ប្រភព៖ theculturetrip