វៀតណាមនឹងដាក់វិធានការហាមឃាត់ ម៉ូតូដែលប្រើសាំង មិនឱ្យបើកបរនៅកណ្តាលក្រុង

ប្រព័ន្ធផ្សព្វផ្សាយរដ្ឋបានរាយការណ៍ថា ប្រទេសវៀតណាមនឹងហាមឃាត់ម៉ូតូ និងម៉ាស៊ីនដែលប្រើឥន្ធនៈហ្វូស៊ីលនៅកណ្តាលរដ្ឋធានីហាណូយ ចាប់ពីថ្ងៃទី ខែកក្កដា ឆ្នាំ២០២៦ ដែលជាផ្នែកនៃកិច្ចខិតខំប្រឹងប្រែងទូទាំងប្រទេសដើម្បីទប់ស្កាត់ការបំពុលបរិយាកាស។

សេចក្តីណែនាំដែលចេញដោយនាយករដ្ឋមន្ត្រីវៀតណាម លោក Pham Minh Chinh គឺត្រូវអនុវត្តចំពោះតំបន់ខាងក្នុង និងតាមបណ្តោយផ្លូវក្រវ៉ាត់ក្រុងធំ ដែលព័ទ្ធជុំវិញកណ្តាលទីក្រុងហាណូយ។

នៅក្នុងប្រទេសវៀតណាម ម៉ូតូគឺជាមធ្យោបាយដឹកជញ្ជូនដ៏សំខាន់សម្រាប់ប្រជាជនភាគច្រើននៃទីក្រុងហាណូយ ដែលមានប្រជាជនជាង ៨ លាននាក់។ ទីក្រុងនេះមានម៉ូតូជិត ៧ លានគ្រឿង និងរថយន្តជាងមួយលានគ្រឿង។ ប៉ុន្តែនៅពេលដែលប្រាក់ចំណូលកើនឡើង ហើយមនុស្សកាន់តែច្រើនប្តូរទៅប្រើយានយន្តឯកជន ការបំពុលខ្យល់ពីចរាចរណ៍បានក្លាយជាកង្វល់កាន់តែខ្លាំងឡើង។ ទីក្រុងហាណូយ ជារឿយៗត្រូវបានគ្របដណ្ដប់ដោយផ្សែងអ័ព្ទដ៏ក្រាស់ ដែលជាប់ចំណាត់ថ្នាក់ក្នុងចំណោមទីក្រុងដែលមានការបំពុលខ្លាំងបំផុតនៅទូទាំងពិភពលោក។

វៀតណាម ក៏ ចង់ ប្តូរ ពី ឥន្ធនៈ ហ្វូស៊ីល ទៅ ជា រថយន្ត អគ្គិសនី ដើម្បី កាត់ បន្ថយ ការ បំពុល និង ដោះស្រាយ ការ ប្រែប្រួល អាកាសធាតុ។ ក្រុមហ៊ុនផលិត EV ក្នុងស្រុក VinFast កំពុងនាំមុខការផ្លាស់ប្តូរដោយកាន់កាប់ចំណែកទីផ្សារជិតមួយភាគប្រាំ នេះបើយោងតាមសភាពាណិជ្ជកម្មអឺរ៉ុប។ ប៉ុន្តែវានៅតែមានចំណែកតូចមួយនៃទីផ្សារកង់ពីរ។

យ៉ាងណាមិញ មនុស្សជាច្រើនមានការព្រួយបារម្ភអំពីផែនការមិនច្បាស់លាស់សម្រាប់ការបញ្ឈប់យានយន្ត។ ពលរដ្ឋវៀតណាមបានលើកឡើងថា បម្រាម នេះ នឹង ប៉ះពាល់ ដល់ ថ្នាក់ ការងារ ខ្លាំង បំផុត ។ លោក បាន ថ្លែង ថា ៖ « វា នឹង ប៉ះពាល់ ដល់ អ្នក ដែល ពឹង ផ្អែក លើ ម៉ូតូ ដើម្បី រក ប្រាក់ ចិញ្ចឹម ជីវិត»។

អ្នក ផ្សេង ទៀត បាន និយាយ ថា ការ កំណត់ ពេល វេលា គឺ មិន ប្រាកដ ប្រជា។ ពួកគេ ត្រូវ ការ ការ ដឹក ជញ្ជូន សាធារណៈ ដែល ល្អ ប្រសើរ ជាង មុន និង ការ គាំទ្រ បន្ថែម ទៀត មុន ពេល មាន ការ ផ្លាស់ ប្តូរ ដ៏ ធំ បែប នេះ។

ដោយឡែក ដំណាក់កាលទីពីរ ដែលគ្រោងនឹងចាប់ផ្តើមនៅខែមករា ឆ្នាំ២០២៨ នឹងពង្រីកការហាមប្រាមទៅកាន់តំបន់កាន់តែទូលំទូលាយ និងរួមបញ្ចូលរាល់មធ្យោបាយអ្វើដំណើរកង់ពីរដែលប្រើឥន្ធនៈហ្វូស៊ីល ខណៈពេលដែលដាក់កម្រិតលើរថយន្តដែលប្រើសាំងមួយចំនួនផងដែរ។
រីឯវិធានការផ្សេងទៀតរួមមានការធ្វើឱ្យប្រសើរឡើងនូវរោងចក្រកែច្នៃកាកសំណល់ ការប្រើប្រាស់ឧបករណ៍ឌីជីថលដើម្បីតាមដានការបំពុល និងណែនាំការពិន័យកាន់តែតឹងរ៉ឹងសម្រាប់អ្នកបំពាន។

ប្រភព៖ AP News