អ្នកជំនាញអង្គការសហប្រជាជាតិបាននិយាយថា ឥឡូវនេះធនាគារប្រទេសថៃ គឺជាប្រភពផ្គត់ផ្គង់សព្វាវុធចម្បងដល់របបយោធាមីយ៉ាន់ម៉ា
យោងតាមរបាយការណ៍ថ្មីមួយរបស់អង្គការសហប្រជាជាតិបានរកឃើញថា ធនាគារអន្តរជាតិកំពុងដើរតួនាទីយ៉ាងសំខាន់នៅក្នុងការបង្កើនសមត្ថភាពរបស់របបយោធាមីយ៉ាន់ម៉ាក្នុងការអនុវត្តការវាយលុកជាប្រព័ន្ធ ដែលសម្លាប់មនុស្សអស់ជាច្រើននាក់។
ធនាគារថៃឥឡូវនេះបានក្លាយជាប្រភពសំខាន់ដែលយោធាមីយ៉ាន់ម៉ា ប្រើប្រាស់ដើម្បីទិញសព្វាវុធ និងការផ្គត់ផ្គង់យោធា រួមទាំងឧទ្ធម្ភាគចក្រ កាំភ្លើង ដែលប្រើសម្រាប់គាំទ្រសង្គ្រាមស៊ីវិលរយៈពេលបីឆ្នាំរបស់ខ្លួន ដែលបានបំផ្លិចបំផ្លាញប្រទេស និងបានសម្លាប់ជនស៊ីវិលជាង ៥,០០០នាក់។ នេះ បើតាម លោក Tom Andrews អ្នករាយការណ៍ពិសេសអង្គការសហប្រជាជាតិទទួលបន្ទុកសិទ្ធិមនុស្សប្រចាំប្រទេសមីយ៉ាន់ម៉ា។
![](https://media.brandbodia.com/wp-content/uploads/2024/06/photo_2024-06-28_13-29-11-1024x576.jpg)
ចាប់តាំងពីការដណ្តើមអំណាចក្នុងរដ្ឋប្រហារក្នុងខែកុម្ភៈ ឆ្នាំ២០២១ យោធាបាននិងកំពុងប្រយុទ្ធយ៉ាងស៊ីជម្រៅប្រឆាំងនឹងក្រុមប្រដាប់អាវុធជនជាតិភាគតិច និងកងកម្លាំងតស៊ូរបស់ប្រជាជននៅទូទាំងប្រទេសមីយ៉ាន់ម៉ា។ ក្នុងរយៈពេលប៉ុន្មានខែថ្មីៗនេះ វាបានប្រឈមនឹងការបាត់បង់ទឹកដី និងកងទ័ពយ៉ាងច្រើន។ ដោយសារវាប្រឈមនឹងការប្រឆាំងជាសាធារណៈដែលកំពុងរីករាលដាល រួមទាំងវិបត្តិសេដ្ឋកិច្ចដែលបង្កកម្រិតនៃភាពក្រីក្រកើនឡើង របបយោធាបានបង្កើនការវាយប្រហារតាមអាកាស និងការវាយប្រហារប្រឆាំងនឹងជនស៊ីវិល និងហេដ្ឋារចនាសម្ព័ន្ធស៊ីវិល ដោយបានជម្លៀសប្រជាជនជាង ៣ លាននាក់។
លោក Andrews បាននិយាយថា របបយោធាបានបង្កើនការវាយប្រហារតាមអាកាសដ៏សាហាវរបស់ខ្លួនប្រឆាំងនឹងគោលដៅជនស៊ីវិលចំនួន “ប្រាំដង” ក្នុងរយៈពេលប្រាំមួយខែចុងក្រោយនេះ ដោយជំរុញឱ្យមានវិបត្តិមនុស្សធម៌យ៉ាងធ្ងន់ធ្ងរ។ លោកក៏បានបន្តថា “ពួកគេអាចធ្វើបែបនេះបាន គឺដោយសារការទិញអាវុធពីបរទេស ព្រមទាំងសេវាកម្មដែលពួកគេទទួលបានពីធនាគារនៅក្រៅប្រទេស” ។
យុទ្ធនាការនៃអំពើហិង្សាដ៏ឃោរឃៅរបស់យោធាបានជំរុញឱ្យប្រទេសលោកខាងលិចដាក់ទណ្ឌកម្មយ៉ាងទូលំទូលាយលើមេដឹកនាំយោធា ក្រុមគ្រួសារ និងអាណានិគម ក្រុមហ៊ុនរដ្ឋ ធនាគារ និងអ្នកផ្គត់ផ្គង់ប្រេងឥន្ធនៈ។ របាយការណ៍មួយបានបង្ហាញថា ធនាគារចំនួន១៦ នៅក្នុងប្រទេសចំនួនន ៧ បានដំណើរការប្រតិបត្តិការ ដែលភ្ជាប់ទៅនឹងលទ្ធកម្មរបស់យោធាក្នុងឆ្នាំកន្លងមក ដោយអាវុធ បច្ចេកវិទ្យាប្រើប្រាស់ ឧបករណ៍ផលិត និងវត្ថុធាតុដើមដែលធានាដល់របបយោធា ពីធនាគារបរទេសបានឈានដល់ ២៥៣ លានដុល្លារនៅចន្លោះខែមេសា ឆ្នាំ២០២៣ ដល់ខែមីនា ឆ្នាំ២០២៤ ។
លោក Andrews បានសរសេរថា “ដោយពឹងផ្អែកលើស្ថាប័នហិរញ្ញវត្ថុដែលមានឆន្ទៈធ្វើអាជីវកម្មជាមួយធនាគាររដ្ឋរបស់មីយ៉ាន់ម៉ាក្រោមការគ្រប់គ្រងរបស់ខ្លួន របបយោធាបានត្រៀមខ្លួនរួចជាស្រេចនូវសេវាកម្មហិរញ្ញវត្ថុដែលខ្លួនត្រូវការដើម្បីអនុវត្តការរំលោភសិទ្ធិមនុស្សជាប្រព័ន្ធ រួមទាំងការវាយប្រហារតាមអាកាសលើជនស៊ីវិល”ផងដែរ។
ទោះជាយ៉ាងណាក៏ដោយ បរិមាណសព្វាវុធ និងការផ្គត់ផ្គង់យោធាដែលទិញដោយរបបយោធាតាមរយៈធនាគារបរទេសបានថយចុះមួយភាគបីពីឆ្នាំ២០២៣ ដោយការនាំចេញពីសិង្ហបុរីបានធ្លាក់ចុះយ៉ាងខ្លាំង។ អង្គភាពដែលមានមូលដ្ឋាននៅសិង្ហបុរី គឺជាប្រភពអាវុធ និងសម្ភារៈយោធាធំជាងគេទីបីរបស់មីយ៉ាន់ម៉ា។ ប៉ុន្តែបន្ទាប់ពីការស៊ើបអង្កេតរបស់រដ្ឋាភិបាល លំហូរនៃសម្ភារៈសព្វាវុធទៅកាន់ប្រទេសមីយ៉ាន់ម៉ាពីក្រុមហ៊ុនដែលបានចុះបញ្ជីនៅសិង្ហបុរីបានធ្លាក់ចុះជិត ៩០% បើប្រៀបធៀបទៅនឹងឆ្នាំមុន។
នៅឆ្នាំ ២០២២ ធនាគារដែលមានមូលដ្ឋាននៅប្រទេសសិង្ហបុរីបានសម្របសម្រួលជាង ៧០% នៃការទិញរបស់របបយោធាដែលឆ្លងកាត់ប្រព័ន្ធធនាគារនៅឆ្នាំ ២០២៣ នោះបានធ្លាក់ចុះក្រោម ២០%។
ដោយឡែក ចន្លោះឆ្នាំ២០២២ និង២០២៣ ការនាំចេញសព្វាវុធ និងសម្ភារៈពាក់ព័ន្ធពីអង្គភាពដែលមានមូលដ្ឋាននៅប្រទេសថៃបានកើនឡើងទ្វេដងពី ៦០ លានដុល្លារដល់ជិត ១៣០ លានដុល្លារកាលពីឆ្នាំមុន។
“ការទិញ SAC (របបយោធា) ជាច្រើនដែលកាលពីមុនផលិតពីអង្គភាពដែលមានមូលដ្ឋាននៅប្រទេសសិង្ហបុរី រួមទាំងផ្នែកសម្រាប់ឧទ្ធម្ភាគចក្រ Mi-17 និង Mi-35 ដែលប្រើដើម្បីធ្វើការវាយប្រហារតាមអាកាសលើគោលដៅជនស៊ីវិល ឥឡូវនេះ ត្រូវបានរកឃើញថា មានប្រភពមកពីប្រទេសថៃ”។ ធនាគារ Siam Commercial គឺ ស្ថិត ក្នុង ចំណោម ធនាគារ ថៃ ដែល បាន ដើរ តួនាទី យ៉ាង សំខាន់ ក្នុង ការ ផ្លាស់ ប្តូរ នេះ ។ ក្នុងឆ្នាំ២០២២ ធនាគារបានសម្របសម្រួលត្រឹមតែជាង ៥ លានដុល្លារក្នុងប្រតិបត្តិការទាក់ទងនឹងយោធា ប៉ុន្តែនៅឆ្នាំ២០២៣ តួលេខនេះបានកើនឡើងដល់ជាង១០០ លានដុល្លារ។
នៅក្នុងសេចក្តីថ្លែងការណ៍មួយ SCB បាននិយាយថា ខ្លួនផ្តល់នូវ “សេវាកម្មប្រតិបត្តិការអន្តរជាតិ” រវាងប្រទេសថៃ និងមីយ៉ាន់ម៉ា “ជាមួយនឹងគោលបំណងចម្បងនៃការគាំទ្រដល់អាជីវកម្មថៃ និងអន្តរជាតិក្នុងការបង់ប្រាក់សម្រាប់ផលិតផល និងសេវាកម្មប្រើប្រាស់ទៅកាន់ប្រទេសមីយ៉ាន់ម៉ា”។ សេចក្តីថ្លែងការណ៍ បានបន្តថា ធនាគារអនុលោមតាមច្បាប់ប្រឆាំងការលាងលុយកខ្វក់ដែលពាក់ព័ន្ធទាំងអស់ ហើយការស៊ើបអង្កេតផ្ទៃក្នុងបានកំណត់ថា ប្រតិបត្តិការរបស់ខ្លួនជាមួយប្រទេសមីយ៉ាន់ម៉ាមិនជាប់ពាក់ព័ន្ធនឹងការជួញដូរអាវុធនោះទេ។
“SCB បញ្ជាក់ឡើងវិញនូវការប្តេជ្ញាចិត្តរបស់ខ្លួនក្នុងការប្រកាន់ខ្ជាប់នូវការប្រឆាំងការលាងលុយកខ្វក់ និងបទប្បញ្ញត្តិពាក់ព័ន្ធ” ។
យ៉ាងណាមិញ លោក Andrews បាននិយាយថា “ខ្ញុំសង្ឃឹមថា ការស៊ើបអង្កេត នឹងនាំទៅរកការផ្លាស់ប្តូរជាវិជ្ជមាននៅក្នុងប្រទេសថៃ។ លោក Andrews ក៏បានរិះគន់ស្ថាប័នហិរញ្ញវត្ថុ ដែលមិនជួយសម្រួលដល់ប្រតិបត្តិការដ៏សាហាវរបស់របបយោធា”។ លោកបន្ថែមថា ការដាក់ទណ្ឌកម្មបណ្តាញផ្គត់ផ្គង់ប្រេងយន្តហោះដល់រដ្ឋាភិបាលយោធា និងធនាគារសេដ្ឋកិច្ច Myanma របស់យោធា «អាចដើរតួនាទីយ៉ាងសំខាន់ក្នុងការជួយកាត់បន្ថយស្ថានភាពមិនល្អនៅក្នុងប្រទេសមីយ៉ាន់ម៉ា និងជួយសង្គ្រោះជីវិតមនុស្សរាប់មិនអស់»។
ប្រភព៖ CNN