វៀតណាមជួបវិបត្តធ្ងន់ធ្ងរមួយ ដែលប្រឈមមុខនឹងការខាតបង់ដំណាំប្រចាំឆ្នាំជាង ៤ ពាន់លានដុល្លារ

កាលពីពេលថ្មីៗនេះ ប្រព័ន្ធផ្សព្វផ្សាយរបស់វៀតណាម បានដកស្រង់ការស្រាវជ្រាវថ្មីមួយថា វៀតណាមប្រឈមនឹងការបាត់បង់ដំណាំជិត ៣ ពាន់លានដុល្លារអាមេរិក ( ៤ពាន់លានដុល្លារ) ក្នុងមួយឆ្នាំៗ ដោយសារទឹកប្រៃកាន់តែច្រើនបានជ្រាបចូលទៅក្នុងដីបង្កបង្កើនផល។

ការស្រាវជ្រាវពីក្រសួងបរិស្ថានរបស់ប្រទេសនេះបានបង្ហាញថា ការខូចខាតទំនងជាស្ថិតនៅលើតំបន់ដីសណ្ដមេគង្គ ដែលត្រូវបានគេស្គាល់ថាជា “ចានបាយរបស់វៀតណាម” ព្រោះវាផ្តល់អាហារ និងជីវភាពរស់នៅសម្រាប់មនុស្សរាប់សិបលាននាក់។

កម្រិតទឹកប្រៃច្រើនតែឡើងខ្ពស់ក្នុងរដូវប្រាំង ប៉ុន្តែវាកាន់តែខ្លាំងឡើង ដោយសារតែការកើនឡើងនៃកម្រិតទឹកសមុទ្រ ភាពរាំងស្ងួត ការប្រែប្រួលនៃជំនោរ និងកង្វះទឹកសាប។

ការស្រាវជ្រាវថ្មីពីវិទ្យាស្ថានវិទ្យាសាស្ត្រធនធានទឹកដែលស្ថិតនៅក្រោមក្រសួងបរិស្ថាន ដែលបានរកឃើញក្នុងចំណោមផ្នែកដែលរងផលប៉ះពាល់ខ្លាំងបំផុតនៃតំបន់គឺខេត្ត Ca Mau ភាគខាងត្បូងបំផុត ដែលអាចបាត់បង់ប្រាក់ប្រមាណ ៦៦៥ លានដុល្លារអាមេរិក។

ដោយឡែក ខេត្ត Ben Tre អាចប្រឈមនឹងការខាតបង់ប្រហែល ៤៧២ លានដុល្លារអាមេរិក នេះបើយោងតាមការសិក្សាដែលត្រូវបានបង្ហាញនៅថ្ងៃទី១៥ ខែមីនា នៅក្នុងសន្និសីទស្តីពីការគ្រប់គ្រងធនធានទឹក។

តាមសេណារីយ៉ូ បច្ចុប្បន្នដើមឈើហូបផ្លែមានចំនួន ២៩ ភាគរយ នៃការខូចខាតនៅតំបន់ដីសណ្តទន្លេមេគង្គ ខណៈដំណាំមានចំនួន ២៧ ភាគរយ និងស្រូវមានជិត១៤ភាគរយ»។ ការសិក្សាបាននិយាយថាការខាតបង់កាន់តែច្រើនត្រូវបានព្យាករណ៍សម្រាប់តំបន់នាពេលអនាគតដែលកើនឡើងជាង ៣.១ ពាន់លានដុល្លារ។

កាលពីដើមខែមីនា ក្រសួងធនធានទឹកបានព្រមានថា ការចូលទឹកប្រៃអាចប៉ះពាល់ដល់ដំណាំស្រូវ និងដំណាំហូបផ្លែប្រមាណ ៨ ម៉ឺន ហិកតានៅតំបន់ដីសណ្តទន្លេមេគង្គ។ យោងតាមមជ្ឈមណ្ឌលជាតិសម្រាប់ការព្យាករណ៍ធនធានទឹក និងឧតុនិយម បានឱ្យដឹងថាការជ្រៀតចូលអំបិលក្នុងតំបន់ចន្លោះឆ្នាំ ២០២៣ និង ២០២៤ គឺខ្ពស់ជាងមធ្យមភាគ។

ជាមួយគ្នានេះ តំបន់ដីសណ្តបានទទួលរងនូវរលកកំដៅដ៏យូរខុសពីធម្មតាក្នុងខែកុម្ភៈ ដែលនាំឱ្យមានភាពរាំងស្ងួតនៅក្នុងតំបន់មួយចំនួន និងកម្រិតទឹកទាបនៅក្នុងប្រឡាយក្នុងតំបន់។

ប្រភព៖ The strait Times