តើវត្តមានរបស់មីយ៉ាន់ម៉ាក្នុងកិច្ចប្រជុំអាស៊ាន ជា សញ្ញា នៃការផ្លាស់ប្ដូរគោល នយោបាយ របស់ប្រទេសនេះឬទេ?

រដ្ឋមន្ត្រីការបរទេសអាស៊ីអាគ្នេយ៍បានអំពាវនាវឱ្យមាន “ដំណោះស្រាយដែលគ្រប់គ្រង និងដឹកនាំដោយមីយ៉ាន់ម៉ា” ចំពោះវិបត្តិនៅក្នុងប្រទេសមីយ៉ាន់ម៉ា ដែលបានចាប់ផ្តើមនៅពេលដែលយោធាដណ្តើមអំណាចក្នុងរដ្ឋប្រហារកាលពីបីឆ្នាំមុន ហើយបានធ្វើឱ្យមនុស្សរាប់ពាន់នាក់ស្លាប់។ ការអំពាវនាវរបស់សមាគមប្រជាជាតិអាស៊ីអាគ្នេយ៍ (អាស៊ាន) បានធ្វើឡើងបន្ទាប់ពីកិច្ចប្រជុំមួយកាលពីថ្ងៃចន្ទ នៃក្រុមរដ្ឋមន្ត្រីការបរទេសនៃក្រុមទាំង ១០ នៅក្នុងប្រទេសឡាវ ដែលត្រូវបានចូលរួមដោយមន្ត្រីមកពីប្រទេសមីយ៉ាន់ម៉ាជាលើកដំបូងក្នុងរយៈពេលពីរឆ្នាំ។

ប្រទេសមីយ៉ាន់ម៉ាបានធ្លាក់ចូលទៅក្នុងវិបត្តិនៅពេលមានរដ្ឋប្រហារដណ្តើមអំណាចពីរដ្ឋាភិបាលជាប់ឆ្នោតលោកស្រី Aung San Suu Kyi កាលពីថ្ងៃទី ១ ខែកុម្ភៈ ឆ្នាំ ២០២១ និងបង្កឱ្យមានការបះបោរប្រដាប់អាវុធ។ ចាប់តាំងពីពេលនោះមក ជនស៊ីវិលជាង៤,៤០០ នាក់ត្រូវបានសម្លាប់ ហើយយោធាកំពុងឃុំខ្លួនមនុស្សជិត២០,០០០ នាក់ នេះបើយោងតាមសមាគមជំនួយសម្រាប់អ្នកទោសនយោបាយ ដែលជាក្រុមឃ្លាំមើលក្នុងតំបន់។

ដោយឡែក សមាគមអាស៊ានបាននិងកំពុងដឹកនាំកិច្ចខិតខំប្រឹងប្រែងការទូតអន្តរជាតិលើប្រទេសមីយ៉ាន់ម៉ា ប៉ុន្តែមានការរីកចម្រើនតិចតួចចាប់តាំងពីការដាក់ចេញនូវអ្វីដែលហៅថាការឯកភាពប្រាំចំណុចដើម្បីបញ្ចប់វិបត្តិនៅក្នុងកិច្ចប្រជុំកំពូលដែលចូលរួមដោយមេដឹកនាំរដ្ឋប្រហារ Min Aung Hlaing ភ្លាមៗបន្ទាប់ពីការដណ្តើមអំណាច។ .
ដោយសារតែភាពព្រងើយកន្តើយចំពោះផែនការនេះ ល មីយ៉ាន់ម៉ាត្រូវបានហាមឃាត់មិនឱ្យចូលរួមក្នុងកិច្ចប្រជុំកំពូល និងកិច្ចប្រជុំថ្នាក់រដ្ឋមន្ត្រីរបស់អាស៊ាន។

យ៉ាងណាមិញ កាលពីពេលថ្មីៗនេះ លោក Kittikhoun បេសកជនពិសេសថ្មីរបស់អាស៊ាន បានធ្វើដំណើរទៅកាន់ប្រទេសមីយ៉ាន់ម៉ា និបានជួបជាមួយលោក Min Aung Hlaing ពិភាក្សាអំពី “កិច្ចខិតខំប្រឹងប្រែងរបស់រដ្ឋាភិបាលដើម្បីធានាសន្តិភាព និងស្ថិរភាព” ។ ទាំងអាស៊ាន និងឡាវមិនបានធ្វើអត្ថាធិប្បាយលើការធ្វើដំណើរនេះទេ ហើយវាមិនច្បាស់ថាលោកបានជួបក្រុមប្រឆាំងរដ្ឋប្រហារណាមួយនោះដែរ។

ជម្លោះបានកាន់តែស៊ីជម្រៅចាប់តាំងពីសម្ព័ន្ធភាពនៃកងកម្លាំងប្រឆាំងរដ្ឋប្រហារ និងក្រុមប្រដាប់អាវុធជនជាតិភាគតិចបានចាប់ផ្តើមការវាយលុកដ៏ធំមួយកាលពីចុងឆ្នាំមុននៅភាគខាងជើងរដ្ឋ Shan និងភាគខាងលិចនៃរដ្ឋរ៉ាឃីន។ សម្ព័ន្ធភាព នេះអះអាងថាបាន វាយលុកបន្ទាយយោធារាប់សិបកន្លែងនិងបានកាន់កាប់ទីប្រជុំជនសំខាន់ៗ។ មនុស្សជាង២.យ លាននាក់ត្រូវបានបង្ខំឱ្យចាកចេញពីផ្ទះរបស់ពួកគេក្នុងរយៈពេល៣ ឆ្នាំនៃការប្រយុទ្ធគ្នា។ រដ្ឋាភិបាលយោធាមិនបានបង្ហាញឆន្ទៈក្នុងការបើកការចរចាជាមួយ នឹងគូប្រជែងរបស់ខ្លួនឡើយហើយពណ៌នាពួកគេថាជា“ភេរវជន”។ មីយ៉ាន់ម៉ាក៏បានចោទអាស៊ានថាបានជ្រៀតជ្រែកចូលកិច្ចការផ្ទៃក្នុងរបស់ខ្លួនទៀតផង។

ទោះជាយ៉ាងណាក៏ដោយ សេចក្តីថ្លែងការណ៍របស់អាស៊ានមិនបានបញ្ជាក់លម្អិត អំពីដំណោះស្រាយលើបញ្ហាដែលគ្រប់គ្រងដោយមីយ៉ាន់ម៉ានោះដែរ ខណៈដែលក្នុងកិច្ចប្រជុំនេះ យោធាមីយ៉ាន់ម៉ា បានបញ្ជូនលោក Marlar Than Htike លេខាធិការអចិន្ត្រៃយ៍របស់អាស៊ាននៅក្រសួងការបរទេសទៅកិច្ចប្រជុំនៅប្រទេសឡាវ តាមការអញ្ជើញរបស់អាស៊ានជាលើកដំបូងសម្រាប់ខ្លួនក្នុងការបញ្ជូនតំណាង “មិននយោបាយ” ទៅកិច្ចប្រជុំ។

រដ្ឋមន្ត្រីការបរទេសឡាវ លោក Saleumxay Kommasith បានស្វាគមន៍ចំពោះការចូលរួមរបស់មីយ៉ាន់ម៉ា។ លោកបានមានប្រសាសន៍ថា “លើកនេះ យើងមានអារម្មណ៍សុទិដ្ឋិនិយមបន្តិចថា ការចូលរួមអាចដំណើរការបាន ទោះបីជាយើងត្រូវទទួលស្គាល់ថា បញ្ហាដែលកំពុងកើតឡើងនៅក្នុងប្រទេសមីយ៉ាន់ម៉ានឹងមិនអាចដោះស្រាយត្រឹមមួយយប់ក៏ដោយ”។ «យើងប្រាកដថាកាលណា យើងចូលរួមមីយ៉ាន់ម៉ាកាន់តែច្រើនការយល់ដឹងកាន់តែច្រើន … អំពីស្ថានការណ៍ពិតដែលកំពុងកើតឡើងក្នុងប្រទេសមីយ៉ាន់ម៉ា»។ វិបត្តិនេះបានបង្កឱ្យមានការកកិតក្នុងតំបន់អាស៊ានជាមួយនឹងសមាជិកមួយចំនួនដែលជំរុញឱ្យមានខ្សែបន្ទាត់កាន់តែរឹងមាំជាមួយ យោធានិងការចូលរួមជាមួយNUG ។

អ្នកនាំពាក្យមកពីប្រទេសឥណ្ឌូណេស៊ីដែលជាប្រធានក្រុមនេះកាលពីឆ្នាំមុនបានទទូចថាការចូលរួមនៅថ្ងៃចន្ទនេះមិនមែនជាសញ្ញា ដែលថាគោលនយោបាយបានផ្លាស់ប្តូរនោះទេ។ “វាជាការពិតដែលតំណាងមីយ៉ាន់ម៉ាមានវត្តមានក្នុងកិច្ចប្រជុំអាស៊ាន FM នៅក្រុង ហ្លួងព្រះបាងប៉ុន្តែការចូលរួមនោះមិនមែនដោយថ្នាក់រដ្ឋមន្ត្រីឬតំណាងនយោបាយ ទេ។

រដ្ឋមន្ត្រីការបរទេសឡាវ លោក Kommasith បានប្រាប់អ្នកសារព័ត៌មានថា ប្រទេសថៃនឹងផ្តល់ជំនួយមនុស្សធម៌បន្ថែមទៀតដល់មីយ៉ាន់ម៉ា។ លោកបានមានប្រសាសន៍ថា “យើងគិតថាជំនួយមនុស្សធម៌គឺជាអាទិភាពសម្រាប់រយៈពេលភ្លាមៗនៅពេលអនុវត្តការយល់ស្របប្រាំចំណុច” ដោយសំដៅទៅលើការឯកភាពខែមេសាឆ្នាំ២០២១ ។ ផែនការនេះអំពាវនាវឱ្យបញ្ឈប់ជាបន្ទាន់នូវអំពើហិង្សានៅក្នុងប្រទេសមីយ៉ាន់ម៉ា ការសន្ទនាក្នុងចំណោមភាគីពាក់ព័ន្ធទាំងអស់ ការសម្របសម្រួលដោយបេសកជនពិសេសអាស៊ាន ការផ្តល់ជំនួយមនុស្សធម៌តាមរយៈបណ្តាញអាស៊ាន និងដំណើរទស្សនកិច្ចទៅកាន់ប្រទេសមីយ៉ាន់ម៉ាដោយបេសកជនពិសេសដើម្បីជួបភាគីពាក់ព័ន្ធទាំងអស់៕

ប្រភព៖ Aljazeera