បន្ទុះភ្នំភ្លើងឥណ្ឌូណេស៊ី បានសាយភាយដល់ម៉ាឡេស៊ី នឹងឈានដល់ការបិទព្រលានយន្តហោះជាបន្តបន្ទាប់

យោងតាមក្រុមមន្ត្រីបានឱ្យដឹងថា ការផ្ទុះភ្នំភ្លើងនៅឆ្ងាយដាច់ស្រយាលនៃប្រទេសឥណ្ឌូនេស៊ីបានបង្ខំឱ្យអាកាសយានដ្ឋានជាងពាក់កណ្តាលប្រទេសបានបិទជាមួយនឹងផេះដែលរាលដាលពាសពេញប្រទេសម៉ាឡេស៊ី ខណៈដែលអាជ្ញាធរបានប្រញាប់ប្រញាល់ជម្លៀសមនុស្សរាប់ពាន់នាក់ដោយសារតែការភ័យខ្លាចនៃរលកយក្សស៊ូណាមិ។

ភ្នំភ្លើង Ruang បានផ្ទុះឡើងចំនួនបីដងកាលពីថ្ងៃអង្គារ ដោយបានបញ្ចេញកម្អែភ្នំភ្លើង និងផេះចម្ងាយជាង ៥ គីឡូម៉ែត្រ (បីម៉ាយ) ទៅលើមេឃ និងបង្ខំឱ្យអាជ្ញាធរចេញបញ្ជាជម្លៀសមនុស្សចំនួន ១២,០០០ នាក់។

កប៉ាល់ជួយសង្គ្រោះ និងនាវាចម្បាំងមួយគ្រឿងត្រូវបានបញ្ជូនដើម្បីជួយផ្លាស់ទីរាប់ពាន់នាក់ពីកោះ Tagulandang ដែលនៅជិតខាងភាគខាងជើងទៅកាន់កោះ Siau ដោយសារតែការព្រមានអំពីផ្នែកខ្លះនៃភ្នំភ្លើងធ្លាក់ចូលទៅក្នុងសមុទ្រដែលអាចបណ្តាលឱ្យមានរលកយក្សស៊ូណាមិ។

ទីភ្នាក់ងារឧតុនិយមរបស់ប្រទេស BMKG បានបង្ហាញថា ផេះភ្នំភ្លើងបានទៅដល់ភាគខាងកើតប្រទេសម៉ាឡេស៊ី នៅលើកោះ Borneo ដែលម៉ាឡេស៊ីចែករំលែកជាមួយឥណ្ឌូនេស៊ី និងប្រ៊ុយណេ។ ការរីករាលដាលនៃផេះភ្នំភ្លើងបានបង្ខំឱ្យអាកាសយានដ្ឋានចំនួនប្រាំពីរត្រូវបិទ ដែលជាទីក្រុងធំបំផុតនៅក្នុងខេត្ត Manado និងទីក្រុង Gorontalo នេះបើយោងតាមការជូនដំណឹងពីក្រុមហ៊ុនអាកាសចរណ៍ AirNav Indonesia ដែលគ្រប់គ្រងដោយរដ្ឋ។

រណ្ដៅភ្នំភ្លើង Anak Krakatoa ស្ថិតនៅចន្លោះកោះ Java និងកោះស៊ូម៉ាត្រា ក៏បានដួលរលំមួយផ្នែកផងដែរនៅក្នុងឆ្នាំ ២០១៨ នៅពេលដែលការផ្ទុះដ៏ធំមួយបានបញ្ជូនបំណែកដ៏ធំនៃភ្នំភ្លើងឱ្យរអិលចូលទៅក្នុងមហាសមុទ្រ ដែលបង្កឱ្យមានរលកយក្សស៊ូណាមិ ដែលបានសម្លាប់មនុស្សជាង ៤០០ នាក់ និងរងរបួសរាប់ពាន់នាក់។

ប្រភព៖ The Guardian